U miežach kryminalnaj spravy ab «masavych biesparadkach» u Kijevie zatrymana 9 čałaviek
«Pa fakcie padziej, jakija adbyvajucca na vuł. Hrušeŭskaha ŭ Kijevie, raspačata kryminalnaja sprava pa artykule 294 KK Ukrainy — masavyja biesparadki. Aktyŭnych udzielnikaŭ napadaŭ na pravaachoŭnikaŭ zatrymlivajuć i dastaŭlajuć u orhany ŭnutranych spraŭ.» — havorycca ŭ admysłovym paviedamleńni na sajcie Ministerstva ŭnutranych spraŭ Ukrainy.
Kijeŭskaja milicyja zatrymała 30 čałaviek, jakija brali ŭdzieł u sutyčcy z «Bierkutam» na Hrušaŭskaj.
«9-ch ź ich zatrymany pracesualna ŭ miežach raspačataj kryminalnaj spravy pavodle artykuła 294 KK Ukrainy — masavyja biesparadki», - udakładniaje Ministerstva ŭnutranych spraŭ Ukrainy.
Miž tym milicyja raskryła asoby dvuch aktyŭnych udzielnikaŭ «biesparadkaŭ» ź liku zatrymanych. Adzin ź ich, 30-hadovy žychar Kijeva, jaki źjaŭlajecca siabram VA «Svaboda». Mužčyna raniej niekalki razoŭ pryciahvaŭsia da administracyjnaj adkaznaści za drobnaje chulihanstva.
Druhi aryštavany — 41-hadovy mužčyna pa mianušcy «Čerap», jaki raniej byŭ asudžany za zabojstva i adsiedzieŭ 13 hadoŭ za kratami. Pavodle papiaredniaj infarmacyi, mužčyna maje dačynieńnie da dziejnaści arhanizacyi «Patryjot Ukrainy».
Kamientary