Prezident Ukrainy Viktar Janukovič zvolniŭ Andreja Klujeva z pasady sakratara Rady nacyjanalnaj biaśpieki i abarony (RNBA) Ukrainy i pryznačyŭ jaho kiraŭnikom Administracyi prezidenta, paviedamlaje UNIAN.
Andrej Klujeŭ naradziŭsia ŭ 1964 h. u Daniecku, trojčy zajmaŭ pasadu vice-premjera (2003, 2006, 2010). Narodny deputat Ukrainy IV—VI sklikańniaŭ. Z 14 lutaha 2012 byŭ sakratarom RNBA.
Klujeŭ — siabra Partyi Rehijonaŭ, 1-y namieśnik staršyni partyi (2001—2003), namieśnik kiraŭnika partyi z 2008 hoda.
Klujeŭ ličycca prychilnikam žorstkaj linii. Jon naležyć da danieckaj biznes-hrupoŭki.
Ciapier vychadcy z Daniecka zajmajuć usie najvyšejšyja pasady va Ukrainie: prezidenta, premjera (Azaraŭ), śpikiera Viarchoŭnaj Rady (Rybak) i kiraŭnika Administracyi prezidenta.
Danieck — hałoŭny horad Danieckaj vobłaści, centra Danbasa. Da ho naležać jašče Łuhanskaja vobłaść. Heta apiryšča Partyi rehijonaŭ. Tam Janukovič nabraŭ kala 90% hałasoŭ. Janukoviča taksama padtrymlivajuć Krym, Charkaŭ, Zaparožža, Adesa, Chierson, dzie Janukovič atrymlivaŭ 60—80% hałasoŭ. Kijeŭ, Pałtava, Čarkasy, Vińnica, Chmialnicki, jak i Zachad Ukrainy ŭ anałahičnych praporcyjach padtrymlivajuć apazicyju.
Ciapier čytajuć
Što viadoma pra eks-aficera Słužby biaśpieki Łukašenki Andreja Spasava, jakoha pasadzili za palityku1
Kamientary