Na niadaŭniaj naradzie vice-premjer Piotr Prakapovič paraiŭ Łukašenku być realistam u dačynieńni da kankurentazdolnaści biełaruskaj pradukcyi. A ŭčora lohkija prykmiety azdaraŭleńnia prajaviŭ i pieršy vice-premjer Biełarusi Uładzimir Siamaška.
«Ja pavinien adznačyć, što ŭ apošnija dva hady (asabliva ŭ kancy minułaha — pačatku hetaha) ja adznačaju dosyć rezkaje źnižeńnie jakaści našaj pradukcyi», — zajaviŭ Siamaška, jakoha cytuje BiełTA.
Pryznańni pakul ciažka dajucca čynoŭniku, ale jon užo pačaŭ kazać pra zabaronienaje.
«My akazalisia niekankurentnymi ŭ hetaj kryzisnaj situacyi, kali nazirajecca ŭsieahulnaja recesija pa cenach. Tamu što pradpryjemstvy pierahružanyja vielizarnaj padatkovaj nahruzkaj u dačynieńni da inšych siektaraŭ ekanomiki i inšych krain, pierakryžavanym subsidyjavańniem pa enierhietycy. Z takimi vysokimi taryfami ŭ Jeŭropie možna nazvać tolki adnu- dźvie krainy, jakija vyšejšyja za našu pa elektraenierhii. Akramia taho, pradpryjemstvy pierahružanyja vielizarnaj kredytnaj nahruzkaj, jakuju treba brać pad 50-60%, sacyjalnaj nahruzkaj. U hetym kryzisie my nie zmahli trochi nižej apuścicca pa canie… Plus jašče heta paharšajecca jakaściu», — kanstatavaŭ Siamaška.
Cichanoŭskaja: Pieramieny ŭ Biełarusi — heta pytańnie času. Voś asnoŭnyja tezisy jaje vystupu na kanfierencyi «Novaja Biełaruś»31
Cichanoŭskaja: Pieramieny ŭ Biełarusi — heta pytańnie času. Voś asnoŭnyja tezisy jaje vystupu na kanfierencyi «Novaja Biełaruś»
DDoS-ataka idzie na sajty adrazu niekalkich biełaruskich ŚMI. Mahčyma, jana źviazanaja z šostaj hadavinaj narodnaha ŭzdymu 2020‑ha i kanfierencyjaj «Novaja Biełaruś», što adkryłasia siońnia66
Kamientary