Rasijskim udaram pad Kijevam zabiła babulu, dzieda i trochhadovaha ŭnuka
Jašče čatyry čałavieki paranienyja.
«Siońnia ŭnačy ŭdarami dronaŭ Rasija zabiła troch čałaviek u Puchaŭcy na Kijeŭščynie: dziadulu, babulu i ich unuka. Usiaho try hady było chłopčyku. Jašče čaćviora špitalizavanyja: baćka dziciaci, jaho 15‑hadovy brat i susied, jaki pryjšoŭ na dapamohu siamji i byŭ paranieny padčas paŭtornaha ŭdaru. U paciarpiełych — termičnyja apioki, askiepkavyja ranieńni. Maje spačuvańni. Heta byŭ zvyčajny žyły dom. Nie mahli hetaha nie viedać rasijanie», — napisaŭ Uładzimir Zialenski ŭ svaim telehram-kanale.
Taksama byŭ udar šaściu balistyčnymi rakietami pa hramadzianskaj infrastruktury ŭ Kijevie. Na hety momant viadoma pra adnaho zahinułaha čałavieka. Maje spačuvańni rodnym i blizkim. Taksama pad abstrełam znachodzilisia Danieččyna, Charkaŭščyna, Sumščyna, Dnieprapiatroŭščyna, Zaparožža, Adeččyna, Chiersonščyna, Mikałajeŭščyna, Čarnihaŭščyna i Pałtaŭščyna.
«Jeŭropa, Amieryka, Ukraina daŭno chočuć spynić hetuju rasijskuju vajnu. Nie choča tolki Pucin i z usich sił čaplajecca za svaju balistyku i drony, kab praciahvać vajavać. Treba bolš cisku. Novyja sankcyi, jakija nie dazvolać vyrablać hetuju balistyku. I abaviazkova treba bolš abarony dla našych ludziej», — dadaŭ Uładzimir Zialenski.
Ciapier čytajuć
Što viadoma pra Maksima Palanskaha i Mikałaja Śvirydava — biełaruskich alpinistaŭ, jakija źnikli ŭ harach Kyrhyzstana2
Kamientary