Mer Sievastopala Uładzimir Jacuba padaŭ u adstaŭku. Jon patłumačyŭ svajo rašeńnie tym, što «kiraŭnikoŭ, jakija jaho pryznačyli, niama» (Jacubu kiraŭnikom administracyi Sievastopala pryznačyŭ u 2011 h. Viktar Janukovič) i vykonvać svaje abaviazki jon bolš nie maje prava.
Pavodle infarmacyi 0692.ua, Jacuba taksama napisaŭ zajavu pra vychad z Partyi rehijonaŭ.
23 lutaha ŭ Sievastopali prajšoŭ mitynh «Narodnaj voli suprać fašyzmu na Ukrainie», u jakim udzielničali kala 30 tysiač čałaviek. Jany vykazali svoj niedavier administracyi horada i ahulnym hałasavańniem abrali novaha mera — rasijskaha pradprymalnika Alaksieja Čałaha. Jaho pryzvali sfarmavać novy vykankam i atrad pa achovie pravaparadku.
Na mitynhu taksama była abvieščanaja rezalucyja, u jakoj havorycca, što Sievastopal nie pryznaje apošnija rašeńni Viarchoŭnaj Rady Ukrainy, i toje, što adbyvajecca ŭ krainie ličyć dziaržaŭnym pieravarotam. Pierad prysutnymi vystupiŭ i Jacuba, jaki, adnak, byŭ aśvistany natoŭpam.
Kamientary