Мэр Севастопаля Уладзімір Яцуба падаў у адстаўку. Ён патлумачыў сваё рашэнне тым, што «кіраўнікоў, якія яго прызначылі, няма» (Яцубу кіраўніком адміністрацыі Севастопаля прызначыў у 2011 г. Віктар Януковіч) і выконваць свае абавязкі ён больш не мае права.
Паводле інфармацыі 0692.ua, Яцуба таксама напісаў заяву пра выхад з Партыі рэгіёнаў.
23 лютага ў Севастопалі прайшоў мітынг «Народнай волі супраць фашызму на Украіне», у якім удзельнічалі каля 30 тысяч чалавек. Яны выказалі свой недавер адміністрацыі горада і агульным галасаваннем абралі новага мэра — расійскага прадпрымальніка Аляксея Чалага. Яго прызвалі сфармаваць новы выканкам і атрад па ахове правапарадку.
На мітынгу таксама была абвешчаная рэзалюцыя, у якой гаворыцца, што Севастопаль не прызнае апошнія рашэнні Вярхоўнай Рады Украіны, і тое, што адбываецца ў краіне лічыць дзяржаўным пераваротам. Перад прысутнымі выступіў і Яцуба, які, аднак, быў асвістаны натоўпам.
Спявак Дзмітрый Калдун паказаў сваю мінскую кватэру недалёка ад Драздоў ШМАТ ФОТА16
Каментары