«Ja źjaŭlajusia ŭłaśnikam doma 627 mietraŭ u Mižhorje, — raskazaŭ na pres-kanfierencyi ŭ Rastovie-na-Donie (Rasija) były prezident Ukrainy Viktar Janukovič. — Z taho momantu, kali na mianie byŭ zamach u haścinicy «Nacyjanalnaja», ja tam znachodžusia. Byli ŭkazy prezidentaŭ Kučmy i Juščanki pra pieradaču mnie hetaha doma. Jon vielmi stary, jaho tre było ramantavać. Ja jaho adramantavaŭ. I ŭ vyniku mianie paprasili vykupić jaho. Ja jaho kupiŭ za hrošy, jakija ŭ mianie byli zadekłaravanyja. Za 3,2 miljona dalaraŭ. Usio astatniaje, što tam jość, nie naležyć mnie. Ja ich arandavaŭ, kab vykonvać funkcyi kiraŭnika dziaržavy. Usio, što tam pakazvali, heta pryhožyja karcinki. Jość realnyja ŭłaśniki, hetaja ŭłasnaść nie źjaŭlajecca ŭkrainskaj, i chutka mižnarodnyja advakaty pastaviać hetyja pytańni. Usie razmovy, što moj staršy syn ułaśnik, hetaha nikoli nie było, ja hetaha nikoli nie čuŭ. Usie pryhožyja karcinki — heta ŭsio było zroblena dla majoj dyskredytacyi. U mianie nie było nikoli nijakaj ułasnaści i rachunkaŭ za miažoj Ukrainy. Heta ŭsio pusty zvon», — skazaŭ Janukovič.
Ciapier čytajuć
Zialenski: Retranślatary na miažy Biełarusi prypynili pracu69
Zialenski: Retranślatary na miažy Biełarusi prypynili pracu
U Vialikaj Miadźviadcy adšukali mahiłu brata Ihnata Damiejki. Pahladzicie, jak spaskudzili carkvu pobač, jakuju naviedvaŭ suśvietna viadomy navukoviec1111
Kamientary