U Francyi znajšli skradzienuju karcinu Pikasa za 17 miljonaŭ dalaraŭ
U pryharadzie Paryža Šampińji-siur-Marn palicyja padčas śpiecyjalnaha rejdu znajšła karcinu, jakaja, pavodle papiarednich źviestak, naležyć pendźlu Pabła Pikasa i była raniej skradzienaja, paviedamlaje ArtNews.
Pavodle infarmacyi francuzskich ŚMI, tvor jašče nie prajšoŭ kančatkovuju identyfikacyju, adnak miarkujecca, što na pałatnie namalavanaja Mary-Terez Valter — kachanaja i muza mastaka. Karcina naležyć kalekcyjanieru ź Sinhapura i aceńvajecca prykładna na 13,7—17,1 miljona dalaraŭ.
Śledstva miarkuje, što da vykradańnia moža być datyčny supracoŭnik adnaho z paryžskich schoviščaŭ mastackich tvoraŭ. Sam mužčyna śćviardžaje, što zrabiŭ heta nibyta dla taho, kab źviarnuć uvahu na prablemy biaśpieki ŭ schoviščy.
Padčas apieracyi francuzskija pravaachoŭniki znajšli nie tolki karcinu. Taksama byli kanfiskavanyja kala 18 kiłahramaŭ kanaplanaj smały, niekalki tysiač jeŭra najaŭnymi i pradmiety raskošnaha adzieńnia ahulnym koštam niekalki sotniaŭ tysiač jeŭra.
Pa spravie zatrymanyja čatyry čałavieki. Pieršaje sudovaje pasiadžeńnie ŭžo adbyłosia 19 červienia, a asnoŭny razhlad spravy papiarednie pryznačany na žnivień.
Mary-Terez Valter paznajomiłasia z Pabła Pikasa ŭ Paryžy ŭ 1927 hodzie, kali joj było 17 hadoŭ. Pavodle ŭspaminaŭ, mastak padyšoŭ da dziaŭčyny i skazaŭ: «U vas cikavy tvar. Ja chacieŭ by napisać vaš partret. Ja — Pikasa». Na toj momant jamu było 45 hadoŭ, i jon byŭ žanaty. Paźniej rysy Mary-Terez stali adnymi z samych paznavalnych vobrazaŭ u tvorčaści mastaka.
Mužčyna vyjhraŭ pracu Pikasa koštam 1 miljon jeŭra ŭ dabračynnaj łatarei, kupiŭšy łatarejny bilet za 100 jeŭra
Źnikłuju karcinu Pikasa za 600 tysiač jeŭra znajšli ŭ kanśjeržki
U Ispanii padčas pieravozki na vystavu tajamniča źnikła karcina Pabła Pikasa
U Bielhii ŭ padvale znajšli skradzienuju karcinu Marka Šahała
Ciapier čytajuć
«Ty ŭ nas u Biełarusi!» — «Ja mamu tvaju ja*aŭ». Hościu z Ałtaja nie spadabałasia zaŭvaha za kinuty ŭ centry Minska niedakurak6
Kamientary