ZŠA dapamohuć Ukrainie viarnuć vykradzienyja srodki — Dziaržsakratar
Złučanyja Štaty Amieryki supracoŭničajuć z časovym uradam Ukrainy, kab dapamahčy jamu znajści i viarnuć vykradzienyja z Ukrainy srodki.
Pra heta paviedamiŭ dziaržaŭny sakratar ZŠA Džon Kery, pieradaje Radyjo Svaboda.
Taksama ZŠA dapamohuć Ukrainie «spravicca z palityčna matyvavanymi handlovymi praktykami Rasii — havorka idzie pra manipulacyi z pastaŭkami enierhanośbitaŭ, ab zabaronie lepšaha šakaładu va Ukrainie», — skazaŭ jon.
Akramia taho, skazaŭ dziaržsakratar, ZŠA buduć pracavać z ukrainskim uradam dla pieraadoleńnia karupcyi.
«ZŠA taksama pracujuć nad raspracoŭkaj pakieta dapamohi ź Mižnarodnym valutnym fondam i mižnarodnymi partniorami», — skazaŭ jon.
Pa słovach Kery, heta dapamoha maje na mecie sadziejničać Ukrainie ŭ adnaŭleńni finansavaj stabilnaści ŭ karotkaterminovaj pierśpiektyvie i damahčysia rostu ekanomiki ŭ doŭhaterminovaj.
«Hety pakiet praduhledžvaje pazykovyja harantyi dla Ukrainy na sumu ŭ adzin miljard dalaraŭ, jakija ŭžo ŭstupili ŭ siłu», — skazaŭ jon.
«Ciapier u Ministerstvie finansaŭ ZŠA ŭ supracoŭnictvie ź inšymi partniorami rychtujuć bolš šyroki i hłyboki płan dapamohi», — dadaŭ Džon Kery.
Kamientary