Adzin čałaviek zahinuŭ i troje atrymali traŭmy ŭ DTZ na aŭtadarozie Minsk — Hrodna 14 sakavika.
Jak paviedamili va ŭpraŭleńni DAI UUS Minskaha abłvykankama, ubačyŭšy ciuk škłovaty na darozie kiroŭca «BMV» čamuści staŭ abjazdžać pieraškodu pa pałasie sustrečnaha ruchu (pry hetym, kali skidaŭ haz, to, napeŭna, niaznačna). U toj ža čas umacavanaja ŭzbočyna dazvalała zrabić heta na minimalnaj chutkaści.
Na mokrym ad daždžu asfalcie aŭtamabil staŭ niekiravanym, jaho zaniesła i razharnuła papiaroč aŭtastrady.
Sustrečnaja «Škoda», jakaja sama paviarnułsia na 180 hradusaŭ, urezałasia ŭ «BMV». Apošniuju mašynu bakavym udaram adkinuła na mietaličnuju darožnuju aharodžu i razarvała praktyčna napałovu takim čynam, što razam z dacham zadniaja častka pavisła nad kiuvietam kołami ŭvierch.
U «Škodzie» spracavali paduški biaśpieki, jaje kiroŭca byŭ pryšpileny i nie paciarpieŭ. U jaho žonki minimalnaja traŭma.
Inšaja dola napatkała tych, chto jechaŭ u «BMV». Maładuju žančynu, jakaja, miarkujučy pa ŭsim, jechała niepryšpilenaj, vykinuła z sałona, pa darozie ŭ balnicu jana pamierła. Jaje šaścihadovy syn znachodzicca ŭ reanimacyi.
Špitalizavany taksama maładyja muž i žonka. Jak miarkujecca, kiravała hetym aŭtamabilem 22-hadovaja dziaŭčyna, jakoj jašče kala dvuch hadoŭ treba jeździć z chutkaściu 70 kiłamietraŭ u hadzinu. Z kanca listapada minułaha hoda jana pradprymała niekalki sprobaŭ atrymać vadzicielskaje paśviedčańnie: z čaćviortaha razu zdała tearetyčny, z treciaha — praktyčny ekzamieny na prava kiravańnia.
U DAI jość pytańni i pa stanie pabitaj mašyny. Ekśpierty pavinny vyznačyć: ci sapraŭdy kuzaŭ «BMV» zvaryli z dvuch.
Ciapier čytajuć
Kudy ciapier jeduć vučycca biełaruskija studenty — top krain i tendencyj8
Kudy ciapier jeduć vučycca biełaruskija studenty — top krain i tendencyj
Pašparty biełarusaŭ, jakija hałasujuć na vybarach u KR, apracuje kampanija, u jakoj apošniuju ŭciečku vyjavili ŭ 2026-m, a zasnavalniki — rasijanie7070
Kamientary