Siońnia minskija ŭłady dali dazvoł na praviadzieńnie mitynhu i šeścia u Dzień Voli 25 sakavika, raspavioŭ sajtu Pyx.by adzin z zajaŭnikaŭ, namieśnik staršyni Ruchu «Za Svabodu» Aleś Łahviniec.
Jak patłumačyŭ Łahviniec, u vyniku dazvoleny nastupny maršrut: z 18.00 da 18.30 zbor na kinateatry «Kastryčnik» (m. Akademija Navuk) i potym šeście da płoščy Banhałor.
Pa jahonych słovach, «sustreča ŭ Minharvykankamie prajšła siońnia z elemientami nieprychavanaha cisku i zapužvańnia arhanizataraŭ, usio prynižalna zdymałasia na kamieru».
«Važna, što jość aficyjny dazvoł», — dadaŭ Aleś Łahviniec, nahadaŭšy, što ŭ hetym hodzie mety mierapryjemstva aproč ŭšanavańnia Dnia voli — «heta i abmierkavańnie ŭnutranaj situacyi ŭ Biełarusi i situacyi ŭ rehijonie, vykazvańnie salidarnaści z narodam Ukrainy».
Siarod zajaŭnikaŭ akcyi na 25 sakavika ŭ hetym hodzie - šeść asobaŭ: namieśnik staršyni Ruchu «Za Svabodu» Aleś Łahviniec, staršynia Partyi BNF Alaksiej Janukievič, siabra prezidyuma BSDP (Hramada) Anatol Sidarevič, Anton Žyłko (AHP), Maryna Chomič (arhkamitet pa ŭtvareńni partyi BCHD), Uładzimir Kołas (Rada biełaruskaj intelihiencyi).
Kamientary