MZS Rasii «nastojliva rekamienduje» rasijskim hramadzianam nie vyjazdžać za miažu, kali jość padazreńni ŭ tym, što amierykanskija pravaachoŭnyja orhany mohuć «vystavić da ich jakija-niebudź pretenzii».
Na dumku MZS, dla rasijcaŭ ciapier uzrasła niebiaśpieka być aryštavanymi «pa zapycie amierykanskich pravaachoŭnych orhanaŭ i śpiecyjalnych słužbaŭ», asabliva ŭ krainach, jakija zaklučyli z ZŠA damovy ab uzajemnaj vydačy.
Rasijskaje źniešniepalityčnaje viedamstva źviazvaje heta z «uviedzienymi ZŠA antyrasijskimi sankcyjami».
6 sakavika ŭkazam prezidenta ZŠA Baraka Abamy ŭviedziena zabarona na vizy i zamarožvańnie aktyvaŭ u ZŠA rasijcaŭ, čyje dziejańni pahražali suvierenitetu i terytaryjalnaj cełasnaści Ukrainy. U hetym śpisie — niekatoryja viadomyja rasijskija parłamientaryi, pradstaŭniki siłavych struktur i ludzi ź blizkaha atačeńnia prezidenta Pucina.
Nijakich vizavych abmiežavańniaŭ dla šarahovych hramadzian Rasii ŭ suviazi z krymskimi padziejami Vašynhton nie ŭvodziŭ, i nijakich aryštaŭ u suviazi z abvieščanymi ŭ sakaviku sankcyjami praviedziena nie było.
Tym nie mienš, u aficyjnym papiaredžańni, apublikavanym na sajcie Ministerstva zamiežnych spraŭ Rasii, havorycca, što amierykanskaja administracyja «sprabuje pieratvaryć u rucinnuju praktyku «palavańnie» na rasijskich hramadzianam u trecich krainach z metaj ich nastupnaj ekstradycyi i asudžeńnia ŭ ZŠA pa, jak praviła, sumnieŭnych abvinavačvańniach».
Rasijskaje źniešniepalityčnaje viedamstva taksama ličyć, što hramadzian krainy za miažoj čakaje praduziataje staŭleńnie «pravasudździa pa-amierykansku» i praciahłyja terminy turemnaha źniavoleńnia.
U jakaści paćvierdžańnia pryvodziacca dva sudovyja spravy - Viktara Buta i Kanstancina Jarašenka.
«Palavańnie na rasijcaŭ»
Viktar But dva hady tamu prysudžany ŭ ZŠA na 25 hadoŭ pazbaŭleńnia voli za zmovu z metaj prodažu partyi zbroi levaradykalnaj kałumbijskaj hrupoŭcy FARK. Heta minimalnaje pakarańnie, praduhledžanaje amierykanskim zakanadaŭstvam za pastaŭki pieranosnych zienitna-rakietnych kompleksaŭ terarystyčnym arhanizacyjam.
But, prazvany «handlarom śmierciu», byŭ aryštavany ŭ sakaviku 2008 hoda ŭ vyniku sumiesnaj apieracyi pravaachoŭnych orhanaŭ Tajłanda i ZŠA ŭ Banhkoku. Jaho bijahrafija, jak pryniata ličyć, pasłužyła asnoŭnaj dla halivudskaha bajevika «Zbrojevy baron».
Kanstancin Jarašenka ŭ lutym minułaha hoda byŭ asudžany na 20 hadoŭ za złačynnuju zmovu z metaj transparciroŭki kakainu. Abvinavačvańnie zajaviła, što jon pracavaŭ lotčykam u Viktara Buta i mnohija hady zajmaŭsia kantrabandnymi apieracyjami. Jarašenka byŭ aryštavany paśla taho, jak u mai na sustrečy ŭ Libieryi damoviŭsia z prafiesijnym kantrabandystam narkotykaŭ nihieryjcam Čyhbo Umie ab dastaŭcy ŭ ZŠA niekalkich ton kakainu.
Jarašenka, Umie i niekalki ich saŭdzielnikaŭ-afrykancaŭ byli aryštavanyja libieryjskimi ŭładami, jakija z samaha pačatku supracoŭničali z amierykancami, i byli ekstradavanyja ŭ ZŠA.
Hruntujučysia na hetych prykładach, rasijski MZS «nastojliva rekamienduje hramadzianam Rasii ŭstrymacca ad zamiežnych pajezdak», asabliva ŭ krainy, jakija zaklučyli z ZŠA damovy ab uzajemnaj vydačy.
Takich krain u śviecie — bolš za sto.
Bolšaść dziaržaŭ śvietu — ad Litvy i Estonii da Turcyi i Bałharyi — majuć damovu ab uzajemnaj ekstradycyi sa Złučanymi Štatami.
Rasijski MZS užo nie pieršy raz źviartajecca da hramadzian krainy z takimi papiaredžańniami. Tyja ž rekamiendacyi — ustrymacca ad pajezdak u krainy, jakija majuć damovu ab uzajemnaj ekstradycyi z ZŠA — rasijskaje MZS apublikavała ŭ vieraśni 2013 hoda, padčas skandału vakoł pradastaŭleńnia rasijskimi ŭładami časovaha prytułku byłomu amierykanskamu sakretnaha ahientu Edvardu Snoŭdenu.
Tym časam, kolkaść vyjezdaŭ rasiejcaŭ za miažu praciahvaje raści. U turystyčnyja pajezdki ŭ 2013 hodzie za miažu źjeździli amal 18,3 młn rasiejcaŭ. U pieršuju dziasiatku samych papularnych turystyčnych napramkaŭ ŭvajšli Turcyja, Jehipiet, Hrecyja, Kitaj, Tajłand, Ispanija, Finlandyja, Hiermanija, Italija i AAE.
Uznačalvaje rejtynh Turcyja, dzie, pa źviestkach Rasstata, pabyvała bolš za try miljony haściej z Rasii.
Kamientary