Praces fiederalizacyi moža pryvieści da raskołu Ukrainy, tamu patrabavańni Rasii adnosna fiederalizacyi nieprymalnyja.
Pra heta zajaviła namieśnik dziaržaŭnaha sakratara ZŠA pa spravach Jeŭropy i Jeŭrazii Viktoryja Nułand padčas žyvoha ŭklučeńnia na 7-m Kijeŭskim forumie biaśpieki «Biaśpieka na linii razryvu» («On the Fault Line: to be Secure In - Between» ) u Kijevie.
«Kanstytucyjnaja reforma pavinnaja być vyklučna ŭkrainskaj… Mienavita ŭkraincy pavinnyja vyrašać, jak budzie vyhladać kraina ŭ budučym, a nie vonkavyja siły. I absalutna nieprymalna dla Rasii vysoŭvać patrabavańni adnosna fiederalizacyi, što padviała b Ukrainu da vialikaj ryzyki raspadu krainy», — skazała jana. Nułand taksama padkreśliła, što pamiž rehijonami Ukrainy pavinien być dyjałoh.
Paśla anieksii Kryma RF nie pakinuła sprobaŭ destabilizavać situacyju va Ukrainie.
Tak, u kancy sakavika ministr zamiežnych spravaŭ RF Siarhiej Łaŭroŭ zajaviŭ, što Maskva prapanuje sumiesna z ZŠA i Jeŭrasajuzam sfarmulavać ahulnyja zakliki da Kijeva z metaj inicyjacyi ahulnanacyjanalnaha dyjałohu, vynikam jakoha stanie novaja Kanstytucyja, jakaja budzie «harantavać fiederalnaje ŭładkavańnie Ukrainy».
U Ministerstvie zamiežnych spravaŭ Ukrainy rascanili vykazvańnie Łaŭrova jak patrabavańnie poŭnaj kapitulacyi Ukrainy, jaje raskołu i źniščeńnia ŭkrainskaj dziaržaŭnaści.
Ciapier čytajuć
«Uźnikajuć ujaŭleńni, što palitviaźni musiać być stojkimi, sabranymi, udziačnymi. A realnaść roznaja». Pahavaryli ź ludźmi, jakija vodziać departavanych litaralna za ruku66
Kamientary