Працэс федэралізацыі можа прывесці да расколу Украіны, таму патрабаванні Расіі адносна федэралізацыі непрымальныя.
Пра гэта заявіла намеснік дзяржаўнага сакратара ЗША па справах Еўропы і Еўразіі Вікторыя Нуланд падчас жывога ўключэння на 7-м Кіеўскім форуме бяспекі «Бяспека на лініі разрыву» («On the Fault Line: to be Secure In - Between» ) у Кіеве.
«Канстытуцыйная рэформа павінная быць выключна ўкраінскай… Менавіта ўкраінцы павінныя вырашаць, як будзе выглядаць краіна ў будучым, а не вонкавыя сілы. І абсалютна непрымальна для Расіі высоўваць патрабаванні адносна федэралізацыі, што падвяла б Украіну да вялікай рызыкі распаду краіны», — сказала яна. Нуланд таксама падкрэсліла, што паміж рэгіёнамі Украіны павінен быць дыялог.
Пасля анексіі Крыма РФ не пакінула спробаў дэстабілізаваць сітуацыю ва Украіне.
Так, у канцы сакавіка міністр замежных справаў РФ Сяргей Лаўроў заявіў, што Масква прапануе сумесна з ЗША і Еўрасаюзам сфармуляваць агульныя заклікі да Кіева з мэтай ініцыяцыі агульнанацыянальнага дыялогу, вынікам якога стане новая Канстытуцыя, якая будзе «гарантаваць федэральнае ўладкаванне Украіны».
У Міністэрстве замежных справаў Украіны расцанілі выказванне Лаўрова як патрабаванне поўнай капітуляцыі Украіны, яе расколу і знішчэння ўкраінскай дзяржаўнасці.
-
«Альтэрнатыва для Германіі» ў новаабраным ландтагу Саксоніі-Анхальт адразу ж запатрабавала спыніць падтрымку Украіны і адмяніць санкцыі супраць Расіі
-
ЗША падтрымалі Латвію ў барацьбе з нелегальнай міграцыяй і высока ацанілі яе гатоўнасць узаемадзейнічаць з Беларуссю
-
У Іспаніі памерла 87‑гадовая жанчына, справа якой справакавала цяперашні палітычны крызіс у краіне
Рэдкі выпадак: памілаваны беларускі палітвязень пайшоў на вайну супраць Украіны16
Рэдкі выпадак: памілаваны беларускі палітвязень пайшоў на вайну супраць Украіны
«Стрэльба калі і стрэліць, то наўрад ці кулямётнай чаргой». Максім Знак ацаніў рэальнасць пагроз беларускай прапаганды пазбавіць грамадзянства палітэмігрантаў1212
Каментары