Svoj novy prajekt adzin ź lidaraŭ biełaruskaj alternatyŭnaj sceny siaredziny 00-ch Jan Maŭzier rychtavaŭ u poŭnaj tajamnicy.
U 2010 hodzie, kali častka muzykaŭ hurta Mauzer źjechała ŭ Picier, a sam Janka razam z Kołchzam pierajechaŭ u Minsk. Užo ŭ stalicy, šlachi zasnavalnikaŭ hurta razyšlisia. Jan sprabavaŭ znajści novych muzykaŭ dy adradzić hurt:
«Kali narešcie byli znojdzienyja muzyki i pačalisia repietycyi, ja bačyŭ, što ŭ chłopcaŭ niestajaki. Źjechaŭ u Kijeŭ, pryjaždžaŭ u Minsk, a chłopcy na repetycyjach siadzieli na stułach. Dla mianie heta było jak simvał taho, što hejm oŭve», — raskazvaje muzyka.
Pra novy prajekt Jan vyrašyŭ ničoha nie paviedamlać publična, pakul nie budzie čym pachvalicca. «MAMA» paŭstała nastupnym čynam: «Mnie patelefanavaŭ Siarhiej Nikałajčanka (eks-«Virtualnyja technałohii») i prapanavaŭ rabić muzyku razam. Heta hitaryst vielmi vysokaha kłasa i prapanovu ja, biezumoŭna, pryniaŭ. Da taho ž vyjaviłasia, što my maryli ab adnoj i toj ža muzycy. My vyrašyli ničoha nie vydumlać i hrać kłasičny rok. Bo heta najlepš adpaviadaje tym pieśniam, jakija ja pišu».
Pieršym sinhłam «MAMA» stała kampazycyja «Vam!», jakuju muzyki vyrašyli prezentavać na partale Tuzin.fm. Jan kaža, što tekst pieśni pisaŭsia jašče dla Mauzer, jakraz ź jaje planavaŭsia kambek hurta. «Ale z muzłom nie ładziłasia. Nikałajčanka zrabiŭ svoj varyjant, ja krychu dadaŭ ad siabie intanacyjaŭ i prydumaŭ finalny vakaliz. Toje što piśmieńnik choča skazać, jon musić pisać, a nie kazać.
Mnie zdajecca, u tekście tajamnicaŭ niama, usio zrazumieła. A pačać vyrašyli ź jaje, bo ź niečaha ž treba pačynać», — uśmichajecca muzyka.
Zapis pieśni «Vam!» prachodziŭ u Biełarusi, a źviadzieńnie i majstravańnie rabiŭ Uładzimir «Kołchz» Sieladcoŭ — kolišni hitaryst i aŭtar piesień hurtu Mauzer.
Ciapier čytajuć
Chto ciapier prapisany ŭ aficyjnaj rezidencyi Drazdy razam z Łukašenkam?18
Kamientary