Vychadziec z Paŭnočnaha Kaŭkaza adkryŭ ahoń z traŭmatyčnaha pistaleta ŭ maskoŭskim mietro, paviedamlaje «Interfaks». Ranieńni atrymali dvoje čałaviek, adzin ź ich znachodzicca ŭ komie. Strałok zatrymany palicyjaj.
Incydent adbyŭsia prykładna ŭ hadzinu nočy ŭ ciahniku, jaki ruchaŭsia ad stancyi «Park kultury» da stancyi «Krapotkinskaja». U 27-hadovaha žychara Ačchoj-Martanaŭskaha rajona Čačni adbyŭsia kanflikt z čatyrma hramadzianami Biełarusi. U chodzie bojki mužčyna dastaŭ traŭmatyčny pistalet i niekalki razoŭ streliŭ u svaich apanientaŭ.
Adzin ź ich, 25-hadovy žychar horada Kobryn, atrymaŭ ranieńnie hałavy i byŭ špitalizavany ŭ stanie komy. Jaho pryjaciel atrymaŭ ranu, jakuju daktary apracavali na miescy.
Strałka zatrymali palicejskija, suprać jaho zaviedziena kryminalnaja sprava pavodle artykuła «Pryčynieńnie ciažkaj škody zdaroŭju».
Mužčynu pahražaje da vaśmi hadoŭ pazbaŭleńnia voli.
Kamientary