Łukašenka: Były namieśnik hienprakurora Archipaŭ spyniŭ kryminałku za załaty źlitak
Były namieśnik hienieralnaha prakurora Alaksandr Archipaŭ spyniŭ kryminalnuju spravu ab zdareńni sa śmiarotnym zychodam za źlitak zołata i butelku kańjaku. Jon dapamoh zamiać spravu ab hibieli dziaŭčyny pa vinie matacyklista, — paviedamiŭ Alaksandr Łukašenka 22 krasavika ŭ časie Pasłańnia biełaruskamu narodu i nacyjanalnamu schodu.
Łukašenka zajaviŭ, što pa hetaj spravie aryšt praviedzieny i ŭ śledčych orhanach MUS.
Nahadajem, što 15 listapada 2013 h. źjaviłasia paviedamleńnie, što «zahadam Hienieralnaha prakurora namieśnik Alaksandr Archipaŭ 4 listapada adchileny ad zajmanaj pasady i zvolnieny z orhanaŭ prakuratury za ździajśnieńnie dziejańniaŭ, jakija deksredytujuć prakurorskaha rabotnika i nie sumiaščalnyja sa słužbaj u orhanach prakuratury».
Suprać Archipava hienprakuror Kaniuk zavioŭ kryminalnuju spravu za złoŭžyvańnie ŭładaj albo słužbovymi paŭnamoctvami. Ciapier pravodzicca rasśledavańnie.
Cikava, što pra Alaksandra Archipava 14 listapada vykazaŭsia Łukašenka. «Družki tam jaho ŭciahnuli ŭ hetuju afieru, čałavieka zabili, pjany kiroŭca. Niavažna, jakija ŭ ich tam byli adnosiny, ale čałaviek zahinuŭ. Ujavicie, jak reahuje na heta siamja. Z dapamohaj ułady hetuju spravu zamiali. Dzie spraviadlivaść? Tamu prakantralujcie, jakija robiacca zachady».
Kamientary