Padstavaj dla zaviadzieńnia spravy, sa słoŭ advakata Žoryna, pasłužyła telefonnaja razmova Vałačkovaj, padčas jakoj jana nibyta prapanoŭvała akazać intymnyja pasłuhi. Na aŭdyjozapisie žančyna kaža, što na karparatyvie vykanaje svaje najlepšyja pieśni ŭ najlepšych strojach. Paśla čaho abmiarkoŭvajecca pytańnie ab «kulturnaj prahramie» ŭ łaźni. Advakat Siarhiej Žoryn śćviardžaje, što pa jaho zvarocie maskoŭskaja palicyja raspačała ŭ dačynieńni da byłoj salistki Vialikaha teatra baleryny Anastasii Vałačkovaj administracyjnuju spravu.
Siarhiej Žoryn, advakat (u intervju RIA Novosti): «Siońnia ja atrymaŭ ad namieśnicy kiraŭnika palicyi pa achovie hramadskaha paradku adździeła MUS pa rajonie Ščukina vyznačeńnie ab zaviadzieńni ŭ dačynieńni da Vałačkovaj administratyŭnaj spravy pa artykule 6.11 KaAP RF — «zaniatak prastytucyjaj»».
Baleryna vyklikanaja ŭ palicyju dla dačy tłumačeńniaŭ na 5 traŭnia. Sama Vałačkova situacyju, jakaja skłałasia, pakul nie kamientuje. Adnak jaje pijar-mieniedžar nazvała ŭsio «biazhłuździcaj».
Siarhiej Žoryn, advakat (u intervju «Kamsamolskaj praŭdzie»): «Vy viedajecie sutnaść hetaj situacyi? Jość aficyjny zapis, jon dastupny ŭ Internecie, dzie Vałačkova razmaŭlaje ź mierkavanym zamoŭcam svajho vystupu. Vy možacie hety zapis pasłuchać. U ramkach rasśledavańnia, ja spadziajusia, budzie praviedziena ekśpiertyza hołasu. Kali paćvierdzicca, što heta hołas Vałačkovaj, jaje spytajuć, z kim i pra što jana damaŭlałasia. Z hetaha telefonnaha zapisu vynikaje, što adzin udzielnik razmovy prapanuje svajmu surazmoŭcu intymnyja pasłuhi. Kali paćvierdzicca, što heta Vałačkova, chaj jana rastłumačyć, što jana mieła na ŭvazie … Kali nie jaje hołas, tady pytańniaŭ da jaje niama.Darečy, niadaŭna Anastasija nazyvała palityčnymi prastytutkami tych, chto admaŭlajecca ad svaich słovaŭ. Ja chacieŭ by daviedacca, Vałačkova budzie admaŭlacca ad svaich słoŭ ci nie».
Nahadajem, Anastasija Vałačkova niadaŭna prezientavała klip na kampazicyju «Budu z taboj». Videa baleryna pryśviaciła kachanamu. Hladzicie videa.
Ciapier čytajuć
U Minsku pamior adzin z samych viadomych zabojcaŭ Rasii. Jon žyŭ pad čužym imieniem i staŭ piśmieńnikam-fantastam6
Kamientary