Падставай для завядзення справы, са слоў адваката Жорына, паслужыла тэлефонная размова Валачковай, падчас якой яна нібыта прапаноўвала аказаць інтымныя паслугі. На аўдыёзапісе жанчына кажа, што на карпаратыве выканае свае найлепшыя песні ў найлепшых строях. Пасля чаго абмяркоўваецца пытанне аб «культурнай праграме» ў лазні. Адвакат Сяргей Жорын сцвярджае, што па яго звароце маскоўская паліцыя распачала ў дачыненні да былой салісткі Вялікага тэатра балерыны Анастасіі Валачковай адміністрацыйную справу.
Сяргей Жорын, адвакат (у інтэрв'ю РІА Новості): «Сёння я атрымаў ад намесніцы кіраўніка паліцыі па ахове грамадскага парадку аддзела МУС па раёне Шчукіна вызначэнне аб завядзенні ў дачыненні да Валачковай адміністратыўнай справы па артыкуле 6.11 КаАП РФ — «занятак прастытуцыяй»».
Балерына выкліканая ў паліцыю для дачы тлумачэнняў на 5 траўня. Сама Валачкова сітуацыю, якая склалася, пакуль не каментуе. Аднак яе піяр-менеджар назвала ўсё «бязглуздзіцай».
Сяргей Жорын, адвакат (у інтэрв'ю «Камсамольскай праўдзе»): «Вы ведаеце сутнасць гэтай сітуацыі? Ёсць афіцыйны запіс, ён даступны ў Інтэрнэце, дзе Валачкова размаўляе з меркаваным замоўцам свайго выступу. Вы можаце гэты запіс паслухаць. У рамках расследавання, я спадзяюся, будзе праведзена экспертыза голасу. Калі пацвердзіцца, што гэта голас Валачковай, яе спытаюць, з кім і пра што яна дамаўлялася. З гэтага тэлефоннага запісу вынікае, што адзін удзельнік размовы прапануе свайму суразмоўцу інтымныя паслугі. Калі пацвердзіцца, што гэта Валачкова, хай яна растлумачыць, што яна мела на ўвазе … Калі не яе голас, тады пытанняў да яе няма.Дарэчы, нядаўна Анастасія называла палітычнымі прастытуткамі тых, хто адмаўляецца ад сваіх словаў. Я хацеў бы даведацца, Валачкова будзе адмаўляцца ад сваіх слоў ці не».
Нагадаем, Анастасія Валачкова нядаўна прэзентавала кліп на кампазіцыю «Буду з табой». Відэа балерына прысвяціла каханаму. Глядзіце відэа.
Цяпер чытаюць
«Казаў, што знішчыць мяне, бо ў яго сувязі і пагоны». Былая жонка ваюе з падпалкоўнікам. Таго панізілі да ўчастковага16
Каментары