Pieršy namieśnik staršyni SBU, kiraŭnik antyterarystyčnaj apieracyi na ŭschodzie Ukrainy Vasil Krutaŭ zapeŭnivaje, što śpiecnaz nie budzie šturmavać Słaviansk, kab paźbiehnuć achviar siarod mirnaha nasielnictva.
Ab hetym jon zajaviŭ na bryfinhu ŭ Kijevie, adkazvajučy na pytańnie žurnalistaŭ.
«My nie pojdziem na niejkija achviary, šturm u horadzie. My razumiejem, što buduć achviary. My dziela niejkich pieramoh nie pojdziem na achviary mirnych hramadzian, ale złačyncy, terarysty, sieparatysty pavinny panieści i paniasuć adkaznaść», — adznačyŭ Krutaŭ.
Źviartajučysia da žycharoŭ jak Słavianska, tak i inšych haradoŭ, u jakich dziejničajuć sieparatysty, jon zaklikaŭ ich z razumieńniem pastavicca da praviadzieńnia śpiecapieracyi.
«Tut u bolšaj stupieni adkaznaść pavinna lažać taksama na kožnym hramadzianinie. Zrazumiejcie pravilna, my vas abaraniajem. Siońnia chłopcy žyćci kładuć, žyvuć u žudasnych umovach, u ich taksama jość siemji, baćki, ale ich abaviazak — abaraniać vas, i vy pavinny nam dapamahać», — adznačyŭ Krutaŭ.
Ciapier čytajuć
Zakinutuju siadzibu Bahdanovičaŭ pierarobiać u bucikovy hatel FOTY7
Kamientary