Prezident Rasii Uładzimir Pucin i kancler FRH Anhieła Mierkiel abmianialisia dumkami nakont «krytyčnaj situacyi, jakaja składvajecca va Ukrainie, u tym liku z ulikam niežadańnia kijeŭskich uładaŭ vykonvać Ženieŭskija damoŭlenaści ad 17 krasavika 2014 hoda». Pra heta havorycca ŭ paviedamleńni, raźmieščanym u piatnicu, 25 krasavika, na sajcie Kramla.
U telefonnaj razmovie, jakaja adbyłasia pa inicyjatyvie Bierlina, Pucin rezka asudziŭ «sproby režymu ŭ Kijevie vykarystoŭvać uzbrojenyja siły suprać mirnych hramadzian na paŭdniovym uschodzie krainy». Surazmoŭcy taksama abmierkavali pytańni, jakija tyčacca dziejnaści va Ukrainie manitorynhavaj misii ABSIE. Akramia taho, prezident Rasii i kancler Niamieččyny «padkreślili važnaść chutčejšaha praviadzieńnia pieramoŭ pa pytańniach biaśpieki pastavak i tranzitu rasijskaha hazu z udziełam pradstaŭnikoŭ Rasii, Jeŭrasajuza i Ukrainy».
Pa słovach pres-sakratara niamieckaha ŭrada Štefena Zajbierta, Mierkiel skazała Pucinu, što čakaje ad Rasii padtrymki ženieŭskich damoŭlenaściej i dapamohi ŭ ich realizacyi.
Zajbiert taksama ličyć, što Maskva pavinna publična zaklikać prarasijskija hrupy na ŭschodzie Ukrainy skłaści zbroju. Jon vykazaŭ mierkavańnie, što dziejańni Kramla paśla sustrečy ŭ Ženievie «całkam rasčaroŭvajuć»
i, kali hety padychod nie źmienicca ŭ najbližejšaj budučyni, «było b pravilna rychtavacca da novych sankcyj». U toj ža čas jon padkreśliŭ nieabchodnaść dyjałohu z Maskvoj.
-
«Zaniapad — heta vybar». Marka Rubia ŭ Miunchienie zaklikaŭ Zachad pryznać pamyłki i abnavić suśvietny paradak
-
«Źmiena režymu nieabchodnaja, ale nie tolki tamu, što my chočam być svabodnymi». Reza Piechlevi zaklikaŭ ZŠA nanieści vajenny ŭdar pa iranskim režymie
-
Bieły dom apublikavaŭ valancinku z Hrenłandyjaj
Ciapier čytajuć
U pačatku 2000‑ch troje nastaŭnikaŭ historyi źbiehli va Ukrainu ad «hienacydu biełaruskaha naroda», jaki čyniŭ režym Łukašenki. Jak skłaŭsia ich los?8
Kamientary