MTS viernie hrošy za SMS usim paciarpiełym ad virusa abanientam

Apieratar sotavaj suviazi MTS pryniaŭ rašeńnie pajści nasustrač svaim karystalnikam i całkam pakryć finansavyja straty, vyklikanyja niadaŭniaj virusnaj atakaj.

Abanienty mabilnych apierataraŭ Biełarusi padpali pad virusnuju ataku ŭviečary 16 traŭnia. Ad SMS paviedamleńniaŭ, jakija źmiaščajuć prapanovu pierajści pa škodnasnaj spasyłcy, paciarpieli ŭładalniki smartfonaŭ z apieracyjnaj sistemaj Android.

U vyniku pierachodu pa spasyłcy ŭstaloŭvaŭsia dadatak, jaki samastojna rassyłaŭ anałahičnyja škodnasnyja paviedamleńni pa ŭsioj adrasnaj knizie karystalnika.

Śpiecyjalisty mabilnych apierataraŭ chutka adreahavali na incydent i zabłakavali niebiaśpiečnuju spasyłku, paśla čaho dostup da jaje staŭ niemahčymym. Adnak virusnaja ataka paśpieła naškodzić častcy Android-smartfonaŭ biełaruskich karystalnikaŭ.

Pavodle infarmacyi MTS, u Biełarusi asobnyja ŭładalniki smartfonaŭ z-za virusa «syšli ŭ minus» na niekalki miljonaŭ. U hetyja dni koł-centry mabilnych apierataraŭ atrymlivajuć vielizarnuju kolkaść pytańniaŭ pra toje, ci buduć im viernuty hrošy.

Apieratar nie abaviazany ŭ dadzienaj situacyi viartać hrošy, adznačajecca ŭ zajavie MTS. Kampanija akazvała pasłuhi pa pieradačy paviedamleńniaŭ. Pry vyjaŭleńni prablemy škodnasnaja spasyłka była chutka zabłakavanaja ŭsimi apieratarami. Ale, padpisvajučy damovu z mabilnaj kampanijaj, čałaviek zhadžajecca z Paradkam akazańnia pasłuh elektrasuviazi, dzie prapisana, što ŭ vypadku ŭstanoŭki škodnasnaha prahramnaha zabieśpiačeńnia na pryładu, adkaznaść za nastupstvy całkam za karystalnikam.

Adnak apieratar MTS, uličvajučy čakańni abanientaŭ i kłapociačysia ab ich łajalnaści, pryniaŭ rašeńnie pajści nasustrač svaim karystalnikam i ŭ dadzienaj situacyi całkam pakryć finansavyja straty, vyklikanyja virusnaj atakaj. Heta tyčycca jak abanientaŭ, jakija na momant zdareńnia znachodzilisia ŭ Biełarusi, tak i tych, chto byŭ u roŭminhu i karystaŭsia mabilnaj suviaźziu za miažoj.

Zvarot hrošaj budzie zrobleny aŭtamatyčna z 21 pa 25 traŭnia. Źviartacca pa hetym pytańni ŭ kantaktny centr abo ŭ sałony apieratara nie patrabujecca.

U suviazi ź situacyjaj, jakaja skłałasia, mabilny apieratar MTS nahadvaje praviły, vykonvajučy jakija, možna abaranić siabie i svaju infarmacyju:

• Kali abanient staŭ udzielnikam virusnaj SMS rassyłki, varta skarystacca antyvirusam z kramy dadatkaŭ. Rekamiendavanyja prahramy: ESET, Avast, Antyvirus, doktar Veb, McAfee, Avira. Paśla ŭstanoŭki antyvirusa nieabchodna pravieści poŭnuju pravierku smartfona na najaŭnaść škodnasnych prahram.

• Abaviazkova źmianić paroli ŭsich ulikovych zapisaŭ. Asabliva heta tyčycca parolaŭ, jakija vykarystoŭvajucca dla ździajśnieńnia bankaŭskich apieracyj praź internet.

• Kantralavać uzroŭni dostupu, jakija zapytvaje dadatak pierad ustanoŭkaj na smartfon. Nie hrebavać kamientarami, jakija pakidajuć karystalniki pad kožnym dadatkam u kramach dadatkaŭ.

• Kali pastupajuć padazronyja paviedamleńni, jakija źmiaščajuć infarmacyju ab vyjhryšy, zaklik prajści pa spasyłcy abo inšyja źviestki, jakija vyklikajuć sumnievy, nieabchodna vydalić hetaje paviedamleńnie.

• U jakaści alternatyŭnaha i najbolš radykalnaha sposabu rekamiendujem zrabić pieraŭstaloŭku apieracyjnaj sistemy abo skid ŭsich naład z nastupnym viartańniem da zavadskich ustanovak. Adnak važna ŭličvać, što paśla padobnych dziejańniaŭ usia karystalnickaja infarmacyja budzie stračana. Tamu rekamiendujecca papiarednie sinchranizavać kantakty i inšyja važnyja fajły.

• U vypadku sumnievaŭ varta nieadkładna źviazacca z pradstaŭnikom apieratara MTS pa karotkim numary 0890 abo +37517-2379898 i paviedamić ab prablemie.

• Uvažliva vyvučyć rekamiendacyi na śpiecyjalnym partale MTS ab biaśpiecy safety.mts.by

Dadzienyja rekamiendacyi dastasavalnyja da karystalnikaŭ smartfonaŭ usich mabilnych płatformaŭ: Android, IOS, Windows Phone, Symbian.

• 0
• 0
• 0
• 0
• 0
• 0
• 0
• 0