Terarysty rasstralali ŭkrainski błokpost u Danieckaj vobłaści, zahinuła 13 vajskoŭcaŭ
U noč z 21 na 22 maja adbyłosia niekalki napadaŭ dyviersijna-terarystyčnych hrup na padraździaleńni Uzbrojenych sił Ukrainy, jakija vykonvajuć zadačy ŭ ramkach ATA ŭ Danbasie.
Jak paviedamlaje pres-słužba Minabarony, pablizu horada Vałnavacha Danieckaj vobłaści terarysty z zasady adkryli masiravany ahoń z strałkovaha ŭzbrajeńnia, ručnych supraćtankavych hranatamiotaŭ i minamiotaŭ pa błokpoście, na jakim nieśli słužbu vajskoŭcy adnoj z vajskovych častak «krainy.
Padčas abstrełu adzin z zaradaŭ trapiŭ u bajavuju mašynu, jakaja znachodziłasia na błokpoście, što vyklikała vybuch bojekamplekta. Jość zabityja i paranienyja.
Jašče adzin ukrainski vajskoviec zahinuŭ i dvoje atrymali ranieńni ŭ vyniku abstrełu terarystami kałony vajennaj techniki, jakaja ažyćciaŭlała pieradysłakacyju i aktyŭnych dziejańniaŭ nie viała, pablizu horada Rubiežnaje Łuhanskaj vobłaści.
V.a. staršyni Viarchoŭnaj Rady Turčynaŭ paviedamiŭ, što pad Vałnavachaju zahinuli 13 ukrainskich vajskoŭcaŭ. Heta najhoršyja straty ŭkraincaŭ za čas kanfliktu.
Ciapier čytajuć
Siłaviki zavitvajuć da biełarusaŭ, jakich užo nie mohuć pryciahnuć pa kryminałcy za ŭdzieł u maršach, z maski-šou — dla prafiłaktyki7
Siłaviki zavitvajuć da biełarusaŭ, jakich užo nie mohuć pryciahnuć pa kryminałcy za ŭdzieł u maršach, z maski-šou — dla prafiłaktyki
«Uźnikajuć ujaŭleńni, što palitviaźni musiać być stojkimi, sabranymi, udziačnymi. A realnaść roznaja». Pahavaryli ź ludźmi, jakija vodziać departavanych litaralna za ruku66
Kamientary