Тэрарысты расстралялі ўкраінскі блокпост у Данецкай вобласці, загінула 13 вайскоўцаў
У ноч з 21 на 22 мая адбылося некалькі нападаў дыверсійна-тэрарыстычных груп на падраздзяленні Узброеных сіл Украіны, якія выконваюць задачы ў рамках АТА ў Данбасе.
Як паведамляе прэс-служба Мінабароны, паблізу горада Валнаваха Данецкай вобласці тэрарысты з засады адкрылі масіраваны агонь з стралковага ўзбраення, ручных супрацьтанкавых гранатамётаў і мінамётаў па блокпосце, на якім неслі службу вайскоўцы адной з вайсковых частак «краіны.
Падчас абстрэлу адзін з зарадаў трапіў у баявую машыну, якая знаходзілася на блокпосце, што выклікала выбух боекамплекта. Ёсць забітыя і параненыя.
Яшчэ адзін украінскі вайсковец загінуў і двое атрымалі раненні ў выніку абстрэлу тэрарыстамі калоны ваеннай тэхнікі, якая ажыццяўляла перадыслакацыю і актыўных дзеянняў не вяла, паблізу горада Рубежнае Луганскай вобласці.
В.а. старшыні Вярхоўнай Рады Турчынаў паведаміў, што пад Валнавахаю загінулі 13 украінскіх вайскоўцаў. Гэта найгоршыя страты ўкраінцаў за час канфлікту.
Каментары