Zony adpačynku ŭ navakolli Minska hatovy da adkryćcia plažnaha siezona, paviedamiŭ dyrektar unitarnaha pradpryjemstva «Minskaja lesaparkavaja haspadarka» Pavieł Bahdančyk.
Usie zony adpačynku, zamacavanyja za pradpryjemstvam, a heta 25 plažaŭ ahulnaj płoščaj 126 ha na vadaschoviščach Cnianskaje, Zasłaŭskaje, Drazdy, Krynica, Viača i Pcič, hatovy da letniaha siezona. Raboty pa padrychtoŭcy vykanany ŭ poŭnym abjomie. Na prylehłych terytoryjach ubrany suchastoj i pavalenyja drevy, praredžana kustoŭje, lasnyja masivy prybrany ad chłamu. U zonach adpačynku pryviedzieny ŭ paradak kantejniernyja placoŭki i padsypany padjaznyja hruntavyja darohi. Usio abstalavańnie adramantavana, a nieprydatnaje dla vykarystańnia - demanciravana.
Dla amataraŭ adpačynku na pryrodzie dadatkova ŭstanoŭleny 42 manhały i 10 kamplektaŭ lasnoj mebli, 290 kantejnieraŭ dla zboru ćviordych bytavych adchodaŭ. Na plažach źjavilisia 23 novyja infarmacyjnyja stendy, na jakich raźmieščana infarmacyja ASVOD i sanitarnych słužbaŭ, paznačany numary telefonaŭ milicyi i ratavalnikaŭ.
Jak adznačyli ŭ Minskim haradskim centry hihijeny i epidemijałohii, sanitarny stan zon adpačynku zdavalniajučy, vada ŭ vadajomach pa chimičnych i bakteryjałahičnych pakazčykach adpaviadaje dziejučym narmatyvam, tamu kupańnie dazvolena na ŭsich 25 plažach
Kamientary