Sustaršynia «Maładoha Frontu» Andruś Cianiuta adličany z homielskaha ŭniviersiteta imia Francyska Skaryny. Aktyvist zavočna navučaŭsia pa śpiecyjalnaści «Pravaznaŭstva» na 3 kursie.
Pryčyna adličeńnia: sistematyčnaje (paŭtornaje ciaham navučalnaha hoda) nievykanańnie abo nienaležnaje vykanańnie abaviazkaŭ navučenca, kali da jaho raniej prymianialisia miery dyscyplinarnaha spahnańnia.
Padstavaj dla adličeńnia pasłužyli dźvie sudovyja pastanovy i dakładnaja zapiska dekana zavočnaha fakulteta M.N. Muraški.
Pavodle Kodeksu RB ab adukacyi, za ździajśnieńnie dyscyplinarnaj praviny da tych, chto navučajecca, mohuć być prymienienyja nastupnyja miery dyscyplinarnaha spahnańnia: zaŭvaha; vymova; adličeńnie.
Prava vybaru miery dyscyplinarnaha spahnańnia naležyć kiraŭniku ŭstanovy adukacyi. Pry vybary miery dyscyplinarnaha spahnańnia pavinny ŭličvacca ciažar dyscyplinarnaj praviny, pryčyny i abstaviny, pry jakich jana ździejśniena, papiarednija pavodziny navučenca.
Padčas sudu ad 17 krasavika Andruś adtrymaŭ tolki vymovu, 6 maja, kali ŭžo raspačalisia masavyja zatrymańni pierad ČS pa chakiei, sud Čyhunačnaha rajona Homiela pryznaŭ Cianiutu vinavatym u drobnym chulihanstvie i niepadparadkavańni milicyjantam, adpraviŭšy jaho «ŭ adpačynak» na 10 sutak. Dadzienaje rašeńnie budzie abskaržana ŭ sudovym paradku.
Aproč taho, što kiraŭnictva VNU nie dačakałasia vyniku abskardžvańnia, Cianiutu nie vyklikali na hutarku, nie dali mahčymaści abaranić svaje pravy praz prafsajuz studentaŭ.
Andruś Cianiuta prakamientavaŭ takoje rašeńnie: «Heta forma cisku na mianie. Univiersitet Skaryny, rektar jakoha — staŭlenik samoha Łukašenki, daŭno zarekamiendavaŭ siabie jak «kišenny» ŭniviersitet, u jakim adličvajuć za hramadskuju dziejnaść. Da prykładu, nie tak daŭno za aktyŭnuju hramadskuju pazicyju byŭ adličany maładafrontaviec Stanisłaŭ Buła. Vielmi hučnaja sprava razharnułasia pry adličeńni studenta-vydatnika Źmitra Žaleźniečenki».
Ciapier čytajuć
U tranślacyi inaŭhuracyi Łukašenki vykarystali kampjutarnuju hrafiku. Voś u jakim momancie15
U tranślacyi inaŭhuracyi Łukašenki vykarystali kampjutarnuju hrafiku. Voś u jakim momancie
«Z maskalom havary, da kamień za pazuchaju dziaržy». My daviedvajemsia ŭsio bolš novaha pra Kastusia Kalinoŭskaha — palityka, jakoha ciapier nie chapaje3131
Kamientary