Režysior Kviencin Tarancina i jaho muza — aktrysa Uma Turman — ŭstupili ŭ ramantyčnyja stasunki praź dziesiacihodździ siabroŭstva, paviedamlaje vydańnie US Weekly sa spasyłkaj na krynicu, znajomuju ź situacyjaj.
Režysior i aktrysa stali sustrakacca paśla taho, jak miesiac tamu Uma skasavała zaručyny sa svaim žanichom Arpadam Biusonam, a režysior razarvaŭ praciahłyja adnosiny z mastakom pa kaściumach Kortni Chofman.
Pa słovach krynicy vydańnia, adnosiny Tarancina i Turman pierajšli na inšy ŭzrovień paśla Kanskaha kinafiestyvalu. Para arandavała viłu na Błakitnym Bierazie, paśla čaho ich raman atrymaŭ imklivaje raźvićcio.
«Tarancina kachaŭ jaje ŭsie hetyja hady. Im daŭno treba było pasprabavać pierajści na novy ŭzrovień», — upeŭniena krynica.
Pa słovach inšaj krynicy, Tarancina i Turman zaŭsiody ciahnuła adzin da druhoha, adnak aktrysa była zaniataja inšymi mužčynami, tamu ich stasunki nie atrymali raźvićcia raniej.
Biedny, rasčaravany — asabliva ŭ rodnych — i nikomu niepatrebny. Zły dziońnik Baradulina dazvalaje zazirnuć unutr hienija17
Kamientary