U Mahilovie abvieščany prysud pa spravie zabojstva siamji z šaści čałaviek u 2005 h. Usich padazravanych apraŭdali. Za što ich dva hady trymali ŭ turmie? I chto zabojca? Piša naš čytač ź Białyničaŭ Barys Vyrvič.
Ich bolš za dva hady trymali ŭ turmie jak padazravanych u zabojstvie siamji z šaści čałaviek u vioscy Vialikaja Maščanica Białynickaha rajonu.
Nahadaju abstaviny spravy. Taja siamja litaralna pierad hetym pierajechała ŭ viosku, pradaŭšy kvateru ŭ Białyničach. Ranicaj 1 červienia 2005 h. byli znojdzieny cieły pensijanerki i jaje sužyciela, dački haspadyni i maładoha čałavieka, a taksama — samaje žudasnaje — dvaich dziaciej siami i čatyroch hadoŭ. Na ciełach małych było znojdziena 14 i 19 roznych cialesnych paškodžańniaŭ. Usia vioska była ŭ šoku, zabojstvaŭ u Maščanicy nie było z časoŭ vajny.
Praź dzień byli zatrymanyja šaściora maładych žycharoŭ vioski va ŭzroście ad 18 da 24 hadoŭ. Piaciom nieŭzabavie pradjavili abvinavačańnie ŭ zabojstvie. Śledztva ciahnułasia bolš za hod. U śniežni 2006 h. pačaŭsia praces u Mahiloŭskim abłsudzie pad staršynstvam sudździ Michaiła Mielnikava. Padčas razhladu spravy było vyklikana ŭ sud amal paŭtary sotni žycharoŭ Maščanicy, było zroblena šmat roznych ekśpiertyz, sprava naličvaje 28 tamoŭ materyjałaŭ.
Prakuror zapatrabavaŭ dla dvuch padazravanych rastreł, dla inšych troch čałaviek — pažyćciovaje źniavoleńnie. Nia tolki advakaty, ale i bolšaść nasielnictva Maščanicy mieli vialiki sumnieŭ, što zatrymanyja chłopcy, zvyčajnyja viaskovyja razhildziai, majuć dačynieńnie da zabojstva.
I voś 2 listapada ŭ Mahilovie sudovaja kalehija abvieściła prysud. U častcy abvinavačańnia ŭ zabojstvie ŭ suviazi ź niedakazanaściu viny vyniesieny apraŭdalny prysud. Adzin z padsudnych vyzvaleny z‑pad varty ŭ zale sudu. Astatnija pakaranyja terminami źniavoleńnia ad 4 da 10 hadoŭ za inšyja złačynstvy: niekalki čałaviek pryznany vinavatymi ŭ seksualnych dačynieńniach ź niepaŭnaletnimi, kradziažach, adzin pryznany vinavatym u zhvałtavańni.
Kali abviaščali prysud, padsudnyja płakali za kratami. Za čas znachodžańnia ŭ turmie, a heta amal dva z pałovaj hady, adzin ź ich zachvareŭ na suchoty… Ci vyjduć viaskovyja chłopcy adtul narmalnymi ludźmi i jak śpiać ludzi, jakija ich pasadzili ŭ turmu?
Moj rodny dziadźka, Darasevič Pavał, pracavaŭ prakuroram Białynickaha rajonu z 1947 pa 1955 hod. U hety čas u rajonie žyło amal 50000 čałaviek, u štacie białynickaj milicyi naličvaŭsia 21 čałaviek… Zaraz u rajonie pražyvaje 21000 čałaviek, u rajonnaj milicyi bolš za sotniu…
Ale samaje hałoŭnaje — chto zabiŭ siamju i małych dzietak i chto adkaža za toje, što nievinavatyja ludzi stracili zdaroŭje ŭ turmie. Žychary vioski bajacca vyjści na vulicu viečaram, a «pastuchi», jak trapna adznačyŭ kiraŭnik dziaržavy, pilna kantralujuć, što robiać apazycyjanery Vyrvič i Miacielica.
-
Na mahile Viački Stankieviča na pomniku — ni słova pa-biełarusku. Voś pra što heta kaža nakont emihrantaŭ, emihracyi i «biełaruskaści ŭnukaŭ»
-
Lvoŭski: U Biełarusi nacyjanalnaje śviata — heta rycarskija turniry, u Rasii — sarafany i karahody
-
Praryŭ marakancaŭ u Sieutu: što heta było? Ci mahła heta być tonkaja pomsta Vašynhtona Madrydu? I ci adabjecca na lehalizacyi biełarusaŭ?
Ciapier čytajuć
Biełaruskaha Siniuju Baradu adpuścili z rasijskaj turmy pamirać doma2
Biełaruskaha Siniuju Baradu adpuścili z rasijskaj turmy pamirać doma
«Ja staŭ ščaślivy». Praca na budoŭli prynosić dobryja hrošy, a hramadskaja aktyŭnaść — maralnuju siłu. Były kalinoviec Kuś raskazaŭ pra toje, jak viarnuŭ unutranuju raŭnavahu1313
Kamientary