Hiebbiels siehodnia: «Ispanski dyśpietčar paviedamiŭ» ab dačynieńni ŭkrainskich samalotaŭ da padzieńnia Boinha
Resurs Russia Today ŭ svaim paviedamleńni za 17 lipienia pracytavaŭ niejkaha Karłasa, nazvaŭšy jaho ispanskim dyśpietčaram, jaki nibyta pracuje ŭ kijeŭskim aeraporcie «Baryspal».
Pa słovach hetaha Karłasa, pierad źniknieńniem Boinha pobač ź im lacieli ŭkrainskija vajennyja samaloty. Paviedamiŭ pra heta jon praz tviter (u jakim, darečy, možna było znajści i repost z Russia Today u tym liku).
Ciapier jaho rachunak, na jaki idzie spasyłka https://twitter.com/spainbuca, užo nie aktyŭny. Na jaho zajści nielha, choć jon usio jašče prabivajecca ŭ pošuku.
Adnak, jak paviedamili resursu StopFake ŭ pres-słužbie Ukraeraruchu, dyśpietčara c takim imiem va Ukrainie niama. Alaksiej Piaściernikaŭ, namieśnik hienieralnaha dyrektara z aeranavihacyi Ukraeraruchu paćvierdziŭ, što ŭsie dziejsnyja dyśpietčary Ukraeraruchu, jakija pracujuć pa ŭsioj Ukrainie, źjaŭlajucca hramadzianami Ukrainy.
Taksama, zhodna z Mietadyčnymi rekamiendacyjami adnosna arhanizacyi i praviadzieńnia adboru kandydataŭ dla prachodžańnia pačatkovaj padrychtoŭki dyśpietčaraŭ kiravańnia pavietranym rucham va Ukrainie, da padrychtoŭki dapuskajucca vyklučna hramadzianie Ukrainy (hł. punkt 2.3, dzie asobna idzie padzahałovak «Hramadzianstva»). Heta značyć nieukrainca nie dapuściać navat da padrychtoŭki, nie toje što da atrymańnia paśviedčańnia, bieź jakoha asoba nie budzie mieć mahčymaści pracavać dyśpietčaram va Ukrainie.
Ukrainskaje hramadzianstva taksama zhadvajecca ŭ Praviłach vydačy paśviedčańniaŭ avijacyjnamu piersanału va Ukrainie, zaćvierdžanych Ministerstvam Transpartu Ukrainy (punkt 4.26).
Kamientary