Mužčynski studencki chor Out of the Blue z Oksfarda stvaryŭ videarolik, jaki na siońnia naźbiraŭ na Youtube bolš za 3,6 młn prahladaŭ.
U trochchvilinnym videa studenty ŭ strohich kaściumach i halštukach pierapiavajuć papularnyja pieśni Šakiry — Waka-Waka, Hips don't lie, i Whenever, Wherever.
Dla zdymkaŭ rolika 15 studentam pryjšłosia razvučyć ŭryŭki ź piesień, a taksama karonnyja ruchi pop-dzivy. Kiraŭnik choru Džošua Bar skazaŭ, što studenty nie bajacca vyhladać niedarečna, nasuprać, mienavita tamu klip tak spadabaŭsia internet-karystalnikam.
«Chłopcy, jakija trasuć ściohnami i kruciać popaj ŭ styli Šakiry — heta niečakana. Voś čamu, mnie zdajecca, klip staŭ takim papularnym», — ličyć Džošua.
U 2011 hodzie chor Out of the Blue ŭdzielničaŭ u šoŭ Britain's Got Talent i navat dajšoŭ da paŭfinału z kavierami na pieśni Džaścina Cimbierlejka i epatažnaj Łedzi Hahi.
Šakira prakamientavała novaje videa ŭ svaim Twitter i navat zrabiła repost, čym ŭzmacniła cikavaść da rolika.
Na akaunt Šakiry ŭ Facebook padpisanyja bolš za 100 młn čałaviek, u Twitter — kala 27 młn, u Instagram — 4 młn.
Usie prybytki, atrymanyja ad prahladaŭ studenckaha rolika, pojduć na padtrymku chośpisa Helen and Douglas House.
Chto taja biełaruska, jakuju ekstradavali ŭ ZŠA dla suda za kantrabandu detalaŭ dla samalotaŭ8
Chto taja biełaruska, jakuju ekstradavali ŭ ZŠA dla suda za kantrabandu detalaŭ dla samalotaŭ
«Kab Biełaruś nie addali Pucinu ŭ jakaści suciašalnaha pryza». Cichanoŭskaja zaklikaje ŭklučyć biełaruskaje pytańnie ŭ mirnyja pieramovy Ukrainy i Rasii3434
Kamientary