Kučma: Humanitarnaja dapamoha Rasii Ukrainie ŭzhodniena, dastaviać taksama hruzy ad ES i ZŠA
Humanitarnaja dapamoha Łuhansku, nakiravanaja Rasijaj pad ehidaj Mižnarodnaha Kamiteta Čyrvonaha Kryža (MKČK), pierasiače ŭkrainska-rasijskuju miažu ŭ Charkaŭskaj vobłaści, paviedamiŭ ahienctvu «Interfaks-Ukraina» ŭ aŭtorak były prezident Ukrainy Leanid Kučma.
«Na pasiadžeńni kantaktnaj hrupy ŭ paniadziełak było vyrašana, što humanitarnaja dapamoha projdzie praz Charkaŭskuju vobłaść, maršrut da Łuhanska taksama vyznačany», — skazaŭ jon.
Ł.Kučma padkreśliŭ, što «dapamoha budzie ažyćciaŭlacca pad ehidaj Mižnarodnaha Čyrvonaha Kryža, a kałona — supravadžacca pradstaŭnikami ABSIE».
Pasiadžeńnie kantaktnaj hrupy ŭ paniadziełak prajšło ŭ farmacie telemosta, u im pryniali ŭdzieł pradstaŭniki «DNR», u toj čas, jak «ŁNR» na pasiadžeńni pradstaŭlena nie była. «Vidać, jany nie zacikaŭlenyja ŭ atrymańni hetaj dapamohi», - skazaŭ Ł.Kučma.
Jon taksama adznačyŭ, što ŭ Łuhansk buduć dastaŭleny nie tolki rasijskija hruzy, ale taksama «dapamoha Ukrainy, ES i ZŠA».
«Vielmi važna raźmierkavańnie hetaj dapamohi — pierš za ŭsio, jaje pavinny atrymać balnicy, dziciačyja sady, internaty, inšyja ludzi, što majuć patrebu. Nivodny hram nie pavinny atrymać bajeviki», — padkreśliŭ Ł.Kučma, adznačyŭšy, što pracesam raźmierkavańnia dapamohi buduć zajmacca pradstaŭniki MKČK.
Ciapier čytajuć
«Dali 3600 rubloŭ štrafu». Na biełarusku napisaŭ palityčny danos chłopiec, ź jakim jana chadziła na spatkańni i jakoha złaviła na zdradzie31
Kamientary