Kancern «Biełnaftachim» 19 žniŭnia abviaściŭ pra druhoje ŭ hetym hodzie padaražańnie aŭtamabilnaha paliva. Rost cen skłaŭ 4—4,8%.
«Pierahlad cen ažyćcioŭleny ŭ metach kampiensacyi źmieny kursu biełaruskaha rubla adnosna zamiežnych valut», — havorycca ŭ paviedamleńni kancerna.
Bienzin Ai-92 ciapier kaštuje 9.500—9.700 rubloŭ (+400; +4,3-4,4%), Ai-95 — 10.400 (+400; +4,0%), dyzpaliva (samaje tannaje) — 10.500 (+400; +4,0%), «Narmal-80» — 8.800 (+400; +4,8%).
Pieršaje ŭ 2014 hodzie pavyšeńnie koštu bienzinu i dyzpaliva (na 5,2—6,3%) adbyłosia 8 lipienia «ŭ metach častkovaj kampiensacyi admoŭnaha ŭpłyvu źmieny kursu biełaruskaha rubla adnosna zamiežnych valut, a taksama ŭ metach paetapnaha zbližeńnia cen na naftapradukty ŭ Respublicy Biełaruś i Rasijskaj Fiederacyi».
Z pačatku hoda «Narmal-80» padaražeŭ na 11,4%, bienzin Ai-92 — na 10,2—10,5%, Ai-95 — na 9,5%, dyzpaliva — na 9,4%. Aficyjny kurs dołara ZŠA z 1 studzienia pa 19 žniŭnia vyras na 9,1%.
U 2013 hodzie ceny na aŭtamabilnaje paliva pavyšalisia piać razoŭ. Košt «Narmala-80» vyras na 17%, Ai-92 — na 23,7—26,6%, dyzpaliva — na 25,5%, Ai-95 — na 26,7%.
U 2012 hodzie aŭtamabilnaje paliva daražeła čatyry razy. Košt «Narmala-80» pavialičyŭsia na 32,4%, Ai-92 — na 21,9%, Ai-95 — na 23%, dyzpaliva — na 21,4%.
U 2011 hodzie košt paliva pavyšaŭsia 11 razoŭ i źnižaŭsia adzin raz. «Narmal-80» padaražeŭ u 2,4 razu, Ai-92 — u 1,99 razu, Ai-95 — u 1,88 razu, dyzpaliva — u 2,44 razu.
Maksim Znak naviedaŭ śpiektakl «Zekamieron», pastaŭleny pa jahonaj knizie, napisanaj u SIZA4
Kamientary