Prezidenty Rasii, Biełarusi i Kazachstana pozna viečaram 26 žniŭnia pradoŭžyli abmierkavańnie pytańniaŭ raźvićcia Mytnaha sajuza ŭ trochbakovym farmacie. Pra heta paviedamiŭ pres-sakratar prezidenta RF Dźmitryj Piaskoŭ.
«Kiraŭniki dziaržaŭ trojki Mytnaha sajuza — Uładzimir Pucin, Alaksandr Łukašenka i Nursułtan Nazarbajeŭ — pradoŭžyli sustreču. Adbyłasia pradmietnaja hutarka pa šyrokim śpiektry pytańniaŭ aktualnaha paradku dnia Mytnaha sajuza», — cytuje Piaskova RIA Novosti.
Rabočaja hrupa z pradstaŭnikoŭ Ukrainy, Rasii i Jeŭrasajuza pa pytańniach handlova-ekanamičnych adnosin da 12 vieraśnia vypracuje prapanovy ab tym, jak źniać zakłapočanaść krain — udzielnic Mytnaha sajuza (MS) i Rasii ŭ pryvatnaści, źviazanuju z padpisańniem pahadnieńnia ab asacyjacyi Ukrainy ź Jeŭrapiejskim sajuzam. Ab hetym Alaksandr Łukašenka zajaviŭ 26 žniŭnia na bryfinhu pa vynikach sustrečy kiraŭnikoŭ dziaržaŭ MS, Ukrainy i pradstaŭnikoŭ ES.
«Viedajučy, što ŭ halinie handlova-ekanamičnych adnosin pracuje hrupa Ukraina — Rasija — ES, my prapanavali intensifikavać jaje pracu, kab užo da 12 vieraśnia rabočaja hrupa vypracavała prapanovy pa źniaćci zakłapočanaści Mytnaha sajuza, Rasijskaj Fiederacyi, jakaja datyčycca pahadnieńnia ab asacyjacyi Ukrainy ź Jeŭrapiejskim sajuzam, — skazaŭ Łukašenka. — Zrabić heta treba, jak padkreślivaje prezident Rasii, da ratyfikacyi dahavora ab asacyjacyi Ukrainy ź Jeŭrasajuzam. Jon padkreśliŭ, što paśla ratyfikacyi ŭ parłamiencie Ukrainy hetaha dahavora hutarki i pieramovy Ukrainy z MS i Rasijaj ab dalejšym ekanamičnym supracoŭnictvie ŭ zonie svabodnaha handlu nie majuć sensu».
«Tamu ŭsio treba pravieści mienavita ciapier, da 12 vieraśnia, da ratyfikacyi hetaha dahavora ŭ parłamiencie Ukrainy», — jašče raz padkreśliŭ Łukašenka.
Kamientary