Najbujniejšaja ŭ śviecie avijakampanija-łaŭkosteraŭ Ryanair ciapier budzie prapanoŭvać pasłuhi biznes-kłasa. Heta robicca dla taho, kab pavysić prodažy i pryciahnuć bolš zamožnych padarožnikaŭ.
Kvitki Business Plus buduć kaštavać ad 69,99 jeŭra (92$) i bolej, piša Guardian.
U samalotach nie źjaviacca bolš prastornyja kresły abo firanki, jakaja adździalajuć adny miescy ad inšych. Pasažyram, jakija nabyli pasłuhu, buduć prapanoŭvać bolš zručnyja miescy z dadatkovymi miescami dla noh u pačatku i ŭ kancy sałona, jakija, akramia taho, dazvalajuć pieršymi pakinuć samalot paśla pryziamleńnia. Taksama harantujecca biaspłatnaje miesca dla 20 kh bahažu (zvyčajnym pasažyram nieabchodna dapłacić za heta 41,5$).
Uładalniki biźnies-biletaŭ zmohuć prajści paskorany dahlad u zonie biaśpieki ŭ šerahu aeraportaŭ i atrymajuć pryjarytet pry pasadcy. Zvyčajna za hetuju opcyju pasažyry Ryanair dapłočvali 16,6$.
Ježu i napoi na borcie pa-raniejšamu treba budzie kuplać za hrošy.
Uviadzieńnie novaj pasłuhi źviazana z padzieńniem dachodaŭ avijakampanii letaś. Heta adbyłosia ŭpieršyniu za piać hadoŭ u toj čas, jak asnoŭny kankurent, easyJet prademanstravaŭ vydatnyja tempy rostu (tut užo isnuje biźnies-kłas).
Ciapier čytajuć
«Kab Biełaruś nie addali Pucinu ŭ jakaści suciašalnaha pryza». Cichanoŭskaja zaklikaje ŭklučyć biełaruskaje pytańnie ŭ mirnyja pieramovy Ukrainy i Rasii3434
Kamientary