Kali Rasija praciahnie eskałacyju situacyi va Ukrainie, heta paciahnie za saboj dla jaje novyja straty i nastupstvy, zajaviŭ na bryfinhu ŭ Biełym Domie amierykanski prezident Barak Abama.
Pavodle jaho słoŭ, «niama sumnievaŭ, što Rasija adkaznaja za hvałt na ŭschodzie Ukrainy». «Rasija padtrymlivaje hvałt na ŭschodzie Ukrainy, treniruje sieparatystaŭ, padtrymlivaje ich finansava i pastaŭlaje im techniku», — zajaviŭ Abama.
Na pytańnie žurnalistaŭ, ci ličyć jon apošnija paviedamleńni ab rasijskich vojskach na terytoryi Ukrainy ŭvarvańniem, prezident Abama adkazaŭ: «My ličym dziejańni apošnich tydniaŭ praciaham taho, što praciahvajecca na praciahu niekalkich miesiacaŭ. Heta nie ŭnutrany kanflikt».
U vyniku svaich dziejańniaŭ, Rasija ŭžo atrymała sankcyi i mižnarodnuju izalacyju, jaje ekanomika padaje, dadaŭ amierykanski prezident.
Jon nie skazaŭ, ci źbirajucca ZŠA ŭvodzić suprać Rasii novyja sankcyi ci inšyja padobnyja mierapryjemstvy.
Barak Abama dadaŭ, što zaprasiŭ nastupnaha miesiaca ŭ Bieły dom ŭkrainskaha prezidenta Piatra Parašenku.
Kamientary