Siońnia niepahadź umiašałasia, i kvalifikacyjnyja spabonictvy pa łyžnaj akrabatycy byli admienienyja z-za śniehapadu
Arhkamitet Zimovaj Alimpijady ŭ Miłanie sumiesna ź Mižnarodnaj fiederacyjaj nazvaŭ novyja terminy praviadzieńnia turniru pa łyžnaj akrabatycy, jaki byŭ pieraniesieny siońnia z-za ŭmoŭ nadvorja.
U sieradu a 12‑j pačniecca pieršaja kvalifikacyja, u 12:45 — druhaja, a finał pačniecca a 15-j.
Raniej płanavałasia, što kvalifikacyja projdzie siońnia, a finał — zaŭtra.
U kožnaj z kvalifikacyj vystupiać pa 25 frystajlistak, jakija vyznačać pa šeść najmajniejšych, što vyjduć u finał. Takim čynam u finale vystupiać 12 dziaŭčat.
U Italii znachodziacca try biełaruskija frystajlistki: Hanna Huśkova, Hanna Dziaruha i Anastasija Andryjanava.
Jany mielisia siońnia vystupić u pieršaj kvalifikacyi.
Biełaruskija frystajlisty pačynajučy z 1998 hoda pryvozili z kožnaj Alimpijady miedali, pryčym u 2010-m, 2014-m, 2018‑m — załatyja.
Hanna Huśkova zavajavała ŭ 2018 hodzie zołata, u 2022 hodzie — srebra.
Kamientary