Aktyvist «Jeŭrapiejskaj Biełarusi» Maksim Viniarski asudžany na 15 sutak
Aktyvist kampanii «Jeŭrapiejskaja Biełaruś» Maksim Viniarski asudžany na 15 sutak administracyjnaha aryštu pavodle abvinavačańnia ŭ niepadparadkavańni supracoŭnikam milicyi (artykuł 23.4 KoAP).
Takoje rašeńnie 1 vieraśnia vynies sud Savieckaha rajona Minska, paviedamiła pravaabaronca Julija Ściapanava na svajoj staroncy ŭ «Fejsbuku».
Viniarski byŭ zatrymany 29 žniŭnia na vulicy Bahdanoviča pa darozie va ŭročyšča Kurapaty, dzie prachodziła štomiesiačnaja tałaka, i byŭ dastaŭleny va UUS Savieckaha rajona.
Za niekalki dzion da zatrymańnia Viniarskaha vyklikali ŭ RAUS, dzie prapanavali padpisać papieru ab papiaredžańni ŭ niedapuščalnaści ekstremisckaj dziejnaści, adnak aktyvist admoviŭsia heta zrabić.
Jak paviedamiła Ściapanava, u CIP supracoŭniki milicyi pahražali Viniarskamu fizičnaj raspravaj, a ŭ sud aktyvista asabista supravadžaŭ namieśnik načalnika Savieckaha RUUS.
Padčas svajho apošniaha aryštu, jaki Viniarski adbyvaŭ u Centry izalacyi pravaparušalnikaŭ napiaredadni čempijanatu śvietu pa chakiei, aktyvist trymaŭ suchuju haładoŭku.
Kamientary