Lavon Barščeŭski vyłučyŭ svaju kandydaturu na pasadu staršyni Partyi BNF i byŭ padtrymany delehatami adnahałosna paśla taho jak hałasy padzialilisia paroŭnu miž Viačorkam i Michalevičam. Źmiena na čale partyi adbyłasia, ale nie na karyść najmałodšaha pakaleńnia. Partyju ŭznačaliŭ palityčny ciažkavahavik, jaki maje vialiki hramadzki aŭtarytet i ŭ toj ža čas daśviedčany ŭ aparatnych hulniach. Možna čakać, što rola Partyi BNF u Abjadnanych demakratyčnych siłach uzraście, a kaalicyja ADS zachavajecca.
Lavon Barščeŭski vyłučyŭ svaju kandydaturu na pasadu staršyni Partyi BNF i byŭ padtrymany delehatami adnahałosna paśla taho jak hałasy padzialilisia paroŭnu miž Viačorkam i Michalevičam. Źmiena na čale partyi adbyłasia, ale nie na karyść najmałodšaha pakaleńnia. Partyju ŭznačaliŭ palityčny ciažkavahavik, jaki maje vialiki hramadzki aŭtarytet i ŭ toj ža čas daśviedčany ŭ aparatnych hulniach. Možna čakać, što rola Partyi BNF u Abjadnanych demakratyčnych siłach uzraście, a kaalicyja ADS zachavajecca.
Niadziela
Lavon Barščeŭski vyjšaŭ na trybunu i prapanavaŭ siabie na pasadu staršyni Partyi BNF. Zala sustreła jahonuju zajavu apladysmentami.
U subotu partyja akazałasia ŭ patavaj sytuacyi, jakaja nahadała fatalny źjezd 1999 hodu, što skončyŭsia raskołam. Nichto z kandydataŭ nie nabraŭ bolš za 50 pracentaŭ hałasoŭ.
Prapanovy, to hučali, nie zadavalniali ŭsich.
Uładzimier Łabkovič prapanavaŭ unieści źmieny ŭ rehlament, kab staršyniu abirać prostaj bolšaściu hałasoŭ, a nie pavodle schiemy 50% + 1 hołas.
Juraś Hubarevič prapanavaŭ vyznačyć vykanaŭcu abaviazkaŭ staršyni partyi, a praź niejki čas pravieści druhuju sesiju źjezdu i abrać staršyniu arhanizacyi.
Aleś Michalevič prapanavaŭ vyznačyć kampramisnuju kandydaturu na staršyniu, jakaja zadavalniała by i jaho i Vincuka Viačorku. Mienavita hetaje i stałasia za noč na niadzielu. Kab vyratavać sytuacyju, pahadziŭsia vyłučyć svaju kandydaturu daŭni aktyvist partyi, pavažany hramadzki dziejač, pedahoh i pierakładčyk Lavon Barščeŭski. Jamu, byłomu deputatu Viarchoŭnaha Savietu i vykanaŭcu abaviazkaŭ staršyni BNF paśla emihracyi Paźniaka, nie zajmać palityčnaha vopytu. A jak udzielnik nacyjanalna-vyzvalenčaha ruchu i adzin z zasnavalnikaŭ Biełaruskaha liceju, Barščeŭski maje nieasprečny maralny aŭtarytet.
Minułyja 8 hadoŭ jon uchilaŭsia ad palityčnaje dziejnaści, jak moh. Adnak unačy z suboty na niadzielu jon vymušany byŭ viarnucca da palityčnaj dziejnaści.
Vincuk Viačorka padtrymaŭ Lavona Barščeŭskaha. A Aleś Michalevič zajaviŭ, što zdymaje svaju kandydaturu na karyść Barščeŭskaha.
U biuleteni dla hałasavańnia ŭniesiena tolki adno proźvišča – Barščeŭski. Vynik: «za» 211 delehataŭ z 236.
Takim čynam, źmiena na čale Partyi BNF adbyłasia, ale jašče nie na karyść najmałodšaha pakaleńnia. Partyju ŭznačaliŭ palityčny ciažkavahavik, jaki maje vialiki hramadzki aŭtarytet i ŭ toj ža čas daśviedčany ŭ aparatnych hulniach. Možna čakać, što vaha Partyi BNF u Abjadnanych demakratyčnych siłach uzraście, a kaalicyja ADS zachavajecca. Jašče ŭ kancy 1990-ch Barščeŭski zarekamendavaŭ siabie jak prychilnik nacyjanalnaha adzinstva i kampramisaŭ.
U svaim pieršym vystupie ŭ jakaści staršyni Lavon Barščeŭski prapanavaŭ kandydatury svaich namieśnikaŭ. Pieršym namieśnikam, namieśnikam u mižnarodnych spravach – Vincuk Viačorka; u spravach rehijanalnaj palityki – Siarhiej Malčyk; u spravach infarmacyjnaj i idealahičnaj pracy – Alaksiej Janukievič; pa praviadzieńni masavych akcyjaŭ – Viktar Ivaškievič; u spravach arhanizacyjnaj pracy i vybarčych kampanijaŭ – Uładzimier Łabkovič.
Jon nie prapanavaŭ pasadaŭ namieśnikaŭ staršyni ni Michaleviču, ni Hubareviču, prychilnikam abnaŭleńnia partyi.
Barščeŭski zajaviŭ, što źbirajecca pracavać na pasadzie staršyni tolki dva hady jak antykryzysny menedžer, i što radykalnych źmienaŭ u partyi nia budzie. Jon padtrymaŭ prapanovu Viktara Ivaškieviča vyjści na Kastryčnickuju płošču 12 śniežnia, napiaredadni vizytu Pucina, na akcyju pratestu.
Svaimi namieśnikami abrany siońnia staršyniom partyi Lavon Barščeŭski prapanavaŭ Vincuka Viačorku, Viktara Ivaškieviča, Uładzimiera Łabkoviča, Siarhieja Malčyka dy Alaksieja Janukieviča. Šerah delehataŭ prapanavaŭ na pasady namieśnikaŭ staršyni kandydatury Alesia Michaleviča, Ihara Lalkova dy Jurasia Hubareviča.
U vyniku hałasavańnia pieršym namieśnikam, namieśnikam u mižnarodnych spravach abrali Vincuka Viačorku. Na hetuju pasadu jon balatavaŭsia biezalternatyŭna.
Namieśnikam u spravach rehijanalnaj palityki staŭ Juraś Hubarevič, jaki pieramoh Siarhieja Malčyka.
Namieśnikam staršyni ŭ spravach infarmacyjna-idealahičnaj pracy abrali Alaksieja Janukieviča. Sastupiŭ jamu prapanavany delehatami schodu Ihar Lalkoŭ.
Viktar Ivaškievič zojmiecca arhanizacyj palityčnych kampanijaŭ i pracaj z metavymi hrupami. Jak i Viačorka, jon balatavaŭsia biezalternatyŭna. Partyjnaje budaŭnictva i suviaź z palityčnymi subjektami ačolić Aleś Michalevič. Jon pieramoh Uładzimiera Łabkoviča, prapanavanaha Lavonam Barščeŭskim.
Novaabrany staršynia Partyi BNF Lavon Barščeŭski prakamentavaŭ vyniki hałasavańnia: «Budziem pracavać razam, i tam pabačym. Kali buduć vykonvać usie tyja abaviazki, jakija na ich uskładzienyja... Kali nie, to nichto nie zabaraniaje nam sklikać daterminovy źjezd i pastavić pytańnie pra admienu paŭnamoctvaŭ. Toje samaje i pa staršyni: kali ja nia budu spraŭlacca, to taksama paprašu daterminovy źjezd i daterminovaje składańnie paŭnamoctvaŭ».
Hladzicie taksama fotarepartažy Julii Daraškievič i Andreja Lankieviča.
Subota
Pracu Dziesiaty źjezd Partyi BNF pačaŭ tradycyjna – z vykanańnia himnu “Mahutny Boža”. Nad scenaj visieŭ vialiki bieł-čyrvona-bieły ściah. Niejkaj asablivaj napružanaści ŭ zali, jak było chacia b na apošnim Kanhresie demakratyčnych sił, nie adčuvałasia.
Miesca ŭ prezydyjumie zaniali siońniašni staršynia Partyi Vincuk Viačorka, a taksama čatyry jahonyja namieśniki – Viktar Ivaškievič, Aleś Michalevič, Jury Chadyka i Alaksiej Janukievič.
Pieršamu słova było pradstaŭlena Viačorku, jaki zrabiŭ nievialikuju spravazdaču pa pracy Partyi za apošnija dva hady. Jon adrazu prapanavaŭ ušanavać chvilinaŭ maŭčańnia tych frontaŭcaŭ, jaki za hety termin pajšli z žyćcia – Kastusia Myślaŭca, Tamaru Hruznovu, Cimocha Vostrykava. Taksama Viačorka začytaŭ vieršavanaje pryvitańnie ad narodnaha paeta Biełarusi Ryhora Baradulina, jaki praz kiepski stan zdaroŭja nia zmoh pryjści na źjezd. Baradulin napisaŭ nastupnaje: “Ad serca žadaju Narodnamu frontu, Zastacca adzinym biez kapramontu”.
U zasłuhi BNF Viačorka pastaviŭ toje, što Partyja zrabiła Alaksandra Milinkieviča adzinym kandydatam ad apazycyi na letašnich vybarach. Viačorka taksama pierakanany, što asnoŭnuju pracu na tych vybarach zrabili taksama frontaŭcy. U aktyŭ Partyi staršynia zanios i sioletnija miascovyja vybary.
Viktar Ivaškievič zrabiŭ akcent u svaim vystupie na ŭdałych vuličnych akcyjach apazycyi, dzie Partyja BNF prymała niepasredny ŭdzieł. Aleś Michalevič raskazaŭ pra svaju padtrymku rehijanalnym strukturam BNF, a taksama zvolnienym z pracy frontaŭcam.
Paśla spravazdač pačalisia sprečki delehataŭ źjezdu. Ahułam z trybuny zachacieła niešta skazać až 23 čałavieki, kožnamu ź ich dali pa piać chvilinaŭ na vystup.
Užo ŭ pieršym vystupie Halina Siamdzianava prapanavała, kab Partyja BNF vyłučyła svajho kandydata na nastupnych prezydenckich vybarach. Aleh Jurkin zrabiŭ udakładnieńnie, kab hetaje vyłučeńnie adbyvałasia ŭ ramkach Abjadnanych demakratyčnych sił. Delehaty źjezdu ŭchvalili hetyja prapanovy.
Z vusnaŭ vystupoŭcaŭ było bahata krytyki, jak u bok Michaleviča, tak i Viačorki. Adny zaklikali hałasavać za svajho kandydata, inšyja – za svajho. Chiba što ŭ padtrymku Viktara Ivaškieviča vystupiŭ tolki Kastuś Smolikaŭ ź Viciebsku.
Padčas vyłučeńnie kandydataŭ na pasadu staršyni sensacyj nie adbyłosia, jak i čakałasia byli prapanavanyja Vincuk Viačorka, Viktar Ivaškievič i Aleś Michalevič. Kožny ź ich mieŭ dziesiacichvilinny pieradvybarčy vystup. Amal adrazu paśla ich i pačałosia hałasavańnie.
Padčas pierapynku ja mieŭ niamała razmova z delehatami źjezdu. Praktyčna kožny ź ich aceńvaŭ šancy Viačorki i Michaleviča na pieramohu, jak 50:50. Usie sychodzilisia ŭ mierkavańni, što los staršynstva vyrašycca ŭsiaho niekalkimi hałasami.
Vyniki pieršaha turu byli nastupnymi: Vincuk Viačorka – 107 hałasoŭ, Aleś Michalevič – 104, Viktar Ivaškievič – 26. Heta aznačała, što dla vyjaŭleńnia staršyni nieabchodny druhi tur. Ivaškievič, jaki vybyŭ z honki za staršynstva, paabiacaŭ u druhim tury padtrymać Viačorku.
U toj momant mała chto z delehataŭ sumniavaŭsia ŭ čarhovaj pieramozie dziejsnaha staršyni. Niekatoryja prychilniki Michaleviča, kinuŭšy ŭ skryniu biuleteń, sumna pabryli da vychadu.
Spačatku źjaviłasia infarmacyja, što vyniki hałasavańnia ahučać tolki ŭ niadzielu, adnak usie, chto zastaŭsia ŭ DK MAZ, daviedalisia ich adrazu paśla padliku.
Vincuk Viačorka – 118, Aleś Michalevič – 110. Takim čynam, Viačorku dla pieramohi nie chapiła ŭsiaho čatyroch hałasoŭ. Pavodle statutu Partyi pieramožcam abviaščajecca kandydat, jaki nabraŭ 50% plus adzin hołas. Na hetym źjeździe takim kvorumam byŭ by vynik u 122 hałasy.
Adrazu paśla ahučvańnia vynikaŭ Aleś Michalevič zajaviŭ, što nie pryznaje svaju parazu . Viačorka ž ličyć, što na pieramahła jahonaja linija .
Što budzie zaŭtra na źjeździe nie biarecca hadać nichto.
Bijahrafija Lavona Barščeŭskaha
Naradziŭsia 4 sakavika 1958 u Połacku.
Skončyŭ Mienski pedahahičny instytut zamiežnych movaŭ na specyjalnaści niamieckaja i anhielskaja movy, paśla aśpiranturu pry Mienskim pedinstytucie zamiežnych movaŭ. Kandydat filalahičnych navuk. Byŭ deputatam Viarchoŭnaha Savietu 12 sklikańnia ad Navapołacku. U 1996-1999 vykonvaŭ abaviazki staršyni Partyi BNF. Zasnavalnik i namieśnik dyrektara Biełaruskaha humanitarnaha liceju. U 2003—2005 uznačalvaŭ Biełaruski PEN-Centar. Pierakładaŭ Eschiła, Petrarku, Kaŭku, Brechta, Biola. Pierakładaŭ bolš jak z tryccaci movaŭ. Havoryć na siami movach.
Kamientary