Kalekcyjanier zajmieŭ kupiuru z dvuma roznymi sieryjnymi numarami i zasumniavaŭsia ŭ sapraŭdnaści
U Lidski mižrajonny adździeł Dziaržkamiteta sudovych ekśpiertyz źviarnuŭsia miascovy žychar z zajavaj ab praviadzieńni techničnaj ekśpiertyzy rekvizitaŭ dakumientaŭ. Mužčyna patłumačyŭ, što źjaŭlajecca kalekcyjanieram.
Pradmietam daśledavańnia stali frahmienty kupiury Nacbanka naminałam 100 000 biełaruskich rubloŭ uzoru 2000 hoda vypusku.
Pieršapačatkovyja sumnieńni ŭ sapraŭdnaści i cełasnaści banknoty ŭźnikli z-za najaŭnaści dvuch roznych sieryjnych numaroŭ na kožnym z frahmientaŭ.
Sudovymi ekśpiertami ŭstanoŭlena, što pradstaŭlenyja na ekśpiertyzu frahmienty raniej składali adzinaje cełaje — hrašovy bilet Nacbanka naminałam 100 000 rubloŭ uzoru 2000 hoda vypusku, vyrableny pradpryjemstvam, jakoje ažyćciaŭlaje vytvorčaść pradukcyi dadzienaha vidu, pieršapačatkovaje źmieściva jakoha padviarhałasia techničnamu źmianieńniu šlacham padziełu jaho na častki (frahmienty) praz razryŭ.
Najaŭnyja adroźnieńni ŭ rekvizitach — najaŭnaść roznych sieryjnych numaroŭ na adnym hrašovym bilecie — abumoŭleny adchileńniami ad technałahičnaha pracesu, dapuščanymi pry jaho vytvorčaści. Brak u vytvorčaści kupiur sustrakajecca davoli redka.
Prykmietna, što mienavita takija «redkija banknoty» vyklikajuć asablivuju cikavaść u kalekcyjanieraŭ.
Ciapier čytajuć
Ad $475 da $3000 za numar. Jak vyhladaje pieršy luksavy hatel Biełarusi FOTY16
Kamientary