Nobieleŭskaja premija pa litaratury prysudžana francuzu Patryku Madyjano za žyćcio ŭ akupacyi
Takoje rašeńnie abviaściŭ siońnia Nobieleŭski kamitet.
Litaratar udastojeny ŭznaharody «Za mastactva pamiaci, ź jakim jon raskryvaje samaje niaŭłoŭnaje ŭ čałaviečym losie i pakazvaje žyćcio ŭ akupacyi»
Madyjano byŭ siarod favarytaŭ u kaciroŭkach bukmiekieraŭ. Siońnia ranicaj Ladbrokes aceńvaŭ jaho šancy z kaeficyjentam 11,0, stolki ž dajučy siryjcu Adonisu i ałbancu Ismaiłu Kadare. Hałoŭnym favarytam ličyŭsia kienijec Nhuhi Va Tchijonha (4,50), na druhim miescy iišoŭ Charuki Murakami, siarod favarytaŭ była taksama biełaruska Śviatłana Aleksijevič (Ladbrokes davaŭ jon treciaje miesca).
Patryk Madyjano naradziŭsia 30 červienia 1945 h. u Bułoni Bijankury, baćkam chłopčyka byŭ kamiersant z staražytnaha jaŭrejskaha rodu z Taskany, maci — fłamandskaja aktrysa. Baćki paznajomilisia vosieńniu 1942 hady ŭ akupavanym niemcami Paryžy, u lutym 1944 hoda jany pažanilisia.
Praktyčna ŭsie tvory piśmieńnika aŭtabijahrafičnyja i (abo) źviazany z temaj akupacyi Francyi padčas Druhoj suśvietnaj vajny.
U svaim intervju ŭ kastryčniku 1975 h. Madyjano pryznavaŭsia, što jon «apantany pieradhistoryjaj, minułym», a «minułaje — haniebnaja epocha akupacyi».
Madyjano žanaty, maje dźviuch dačok, jaho tvory nie raz ekranizavalisia.
***
Nahadajem, što łaŭreatami Nobieleŭskaj premii ŭ halinie fizijałohii i miedycyny 2014 u paniadziełak byli nazvany Džon O'Kif, i narviežskija vučonyja žonka i muž Maj-Bryt i Edvard Mozery. Premija budzie ŭručana im za daśledavańni kletačnaj bijałohii hałaŭnoha mozhu — za vyvučeńnie niejrafizijałahičnych miechanizmaŭ aryjentacyi ŭ prastory (unutranaje GPS).
Łaŭreatami ŭ halinie fiziki ŭ aŭtorak stali japonskija navukoŭcy Isamu Akasaka, Chirošy Amana (univiersitet Nahoi) i Sudzi Nakamura (Univiersitet Kalifornii, Santa-Barbara) za vynachodnictva efiektyŭnych błakitnych śviatłodyjodaŭ.
Łaŭreatami Nobieleŭskaj premijaj pa chimii stali amierykanski navukoviec Eryk Bietcyh i niamieckija vučonyja Štefan Chel i Uiljam Miornier za «raspracoŭku fłuarescentnaj mikraskapii».
U piatnicu a 12-j nazavuć łaŭreata Nobieleŭskaj premii miru, a ŭ nastupny paniadziełak — premii pa ekanomicy.
Ciapier čytajuć
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii1616
Kamientary