Baranavicki harvykankam admoviŭ u pamiaškańni hramadzkaj arhanizacyi «Tvorčaje zhurtavańnie «Śviatlica».
«TZ «Śviatlica» kolki hod źbirasia ŭ Baranavickim haradzkim Domie kultury. Adnak sioleta z krasavika DK admoviŭ u mahčymaści hetkich zboraŭ, spasyłajučysia na toje, što nia moža zadarma bolš davać pamiaškańnie biez uzhadnieńnia z harvykankamam.
Baranavickaja hramadskaja arhanizacyja «Tvorčaje zhurtavańnie «Śviatlica» źviarnułasia było naprykancy kastryčnika ŭ haradzki vykankam z prośbaju paspryjać u atrymańni pamiaškańnia dla tvorčych schodaŭ. Zvarot padpisała 30 viadomych u Baranavičach ludziej — mastakoŭ, litarataraŭ, fatohrafaŭ, bardaŭ. «TZ «Śviatlica» nie kamercyjnaja arhanizacyja, tamu nia moža samastojna apłočvać arendu. Tvorcy spasyłalisia na toje, što haradzki Dom kultury źjaŭlajecca ahulnanarodnaju ŭłasnaściu, pabudavany pracaju našych dziadoŭ i baćkoŭ, i musić słužyć usim tvorčym ludziam našaha horadu, niezaležana ad taho, ci stajać jany pad načałam HDK.
U liście z vykankamu, na biełaruskaj movie, spasłalisia na statut arhanizacyi. «Śviatlica» samastojnaja, dobraachvotnaja arhanizacyja kulturna‑tvorčaha nakirunku dziejnaści…». Paśla baranavickija ŭłady zaznačyli, što «kali arhanizacyja źjaŭlajecca samastojnaj, to pavinnaja samastojna vyrašać uźnikajučyja pytańni, u tym liku i tyja, što źviazanyja z vybaram pamiaškańnia dla tvorčych schodaŭ». DK, maŭlaŭ, vykarystoŭvaje pamiaškańni «ŭ miežach zakanadaŭstva, jakoje nie praduhledžvaje pradastaŭleńnie kamunalnaj majomaści biez spahnańnia arendnaj płaty».
Naprykancy adkazu‑admovy, było zaznačana, što baranavicki harvykankam nia maje paŭnamoctvaŭ na vyzvaleńnie hramadzkich arhanizacyj ad arendnaj płaty.
Naprošvajecca vysnova, što, kali tvorcy piarojduć pad kryło DK, ci vykankamu, ich pytańni vyrašacca? Cikava tolki, ci płocić arendnuju płatu BRSM?
Ciapier čytajuć
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii1616
Kamientary