Баранавіцкі гарвыканкам адмовіў у памяшканьні грамадзкай арганізацыі «Творчае згуртаваньне «Святліца».
«ТЗ «Святліца» колькі год зьбірася ў Баранавіцкім гарадзкім Доме культуры. Аднак сёлета з красавіка ДК адмовіў у магчымасьці гэткіх збораў, спасылаючыся на тое, што ня можа задарма больш даваць памяшканьне без узгадненьня з гарвыканкамам.
Баранавіцкая грамадская арганізацыя «Творчае згуртаваньне «Святліца» зьвярнулася было напрыканцы кастрычніка ў гарадзкі выканкам з просьбаю паспрыяць у атрыманьні памяшканьня для творчых сходаў. Зварот падпісала 30 вядомых у Баранавічах людзей — мастакоў, літаратараў, фатографаў, бардаў. «ТЗ «Святліца» не камэрцыйная арганізацыя, таму ня можа самастойна аплочваць арэнду. Творцы спасылаліся на тое, што гарадзкі Дом культуры зьяўляецца агульнанароднаю ўласнасьцю, пабудаваны працаю нашых дзядоў і бацькоў, і мусіць служыць усім творчым людзям нашага гораду, незалежана ад таго, ці стаяць яны пад началам ГДК.
У лісьце з выканкаму, на беларускай мове, спаслаліся на статут арганізацыі. «Святліца» самастойная, добраахвотная арганізацыя культурна‑творчага накірунку дзейнасьці…». Пасьля баранавіцкія ўлады зазначылі, што «калі арганізацыя зьяўляецца самастойнай, то павінная самастойна вырашаць узьнікаючыя пытаньні, у тым ліку і тыя, што зьвязаныя з выбарам памяшканьня для творчых сходаў». ДК, маўляў, выкарыстоўвае памяшканьні «ў межах заканадаўства, якое не прадугледжвае прадастаўленьне камунальнай маёмасьці без спагнаньня арэнднай платы».
Напрыканцы адказу‑адмовы, было зазначана, што баранавіцкі гарвыканкам ня мае паўнамоцтваў на вызваленьне грамадзкіх арганізацый ад арэнднай платы.
Напрошваецца выснова, што, калі творцы пяройдуць пад крыло ДК, ці выканкаму, іх пытаньні вырашацца? Цікава толькі, ці плоціць арэндную плату БРСМ?
-
«Усю выгаду ад гэтага займее Масква і Пуцін». Пазняк даў ацэнку візіту Ціханоўскай ва Украіну
-
Як будуць развівацца падзеі, калі Масква зноў, як і ў 2022, пачне наносіць удары па Кіеве з тэрыторыі Беларусі? Магчымыя сцэнары
-
Калеснікава: Я ніколі не кажу пра ваенныя санкцыі. Але існуе спартыўны трэк, памежныя пытанні, медыцына — усё што заўгодна
Каментары