Učora, 10 krasavika, u 18.30 kala 70 čałaviek pryjšli ź biełymi i čyrvonymi hvaździkami na Centralnuju płošču Miensku da znaku «Pačatak daroh Biełarusi».
Učora, 10 krasavika, u 18.30 kala 70 čałaviek pryjšli ź biełymi i čyrvonymi hvaździkami na Centralnuju płošču Miensku da znaku «Pačatak daroh Biełarusi».
«My ŭskładajem kvietki na toje miesca, dzie baranili svaju svabodu. Na toje miesca, dzie nas zahaniali ŭ aŭtazaki. Na toje miesca, dzie my byli razam, niahledziačy na aryšty, chaładeču i noč. My chočam pakazać – naš šmat, my adzinyja, nas nie zapužać,» – abvieścili nadoječy inicyjatary akcyi.
Znak pačatku daroh byŭ uścieleny biełymi i čyrvonymi kvietkami – «pa adnoj ad kožnaha, kamu nie padabajecca hety režym; ad kožnaha, chto za svabodu; ad kožnaha, chto čakaje pieramienaŭ».
Adzin chłopiec prynios kvietki, schavaŭšy ich pad kurtkaj.
Ź niearazabranych paśla inaŭhuracyi trybunaŭ akcyju zdymali troje nieviadomych u cyvilnym. Kali akcyja pačałasia, da jaje nablizilisia amapaŭcy. Jany ŭvieś čas pieradavali infarmacyju pa racyi, ale nie zaminali ŭdzielnikam.
U časie akcyi da ŭdzielnikaŭ dałučyŭsia hraf Alaksandar Prušynski. Jon padniaŭ adnu z uskładzienych kvietak i paziravaŭ ź joj na kameru.
Ludzi, uskłaŭšy kvietki, nie razychodzilisia. Pa ciopłych abdymkach, radaści i razmovach było bačna, što niekatoryja ź ich upieršyniu sustrelisia paśla aryštu.
Fota Andreja Lankieviča
Ciapier čytajuć
Palaki kuplajuć damy ŭ Biełarusi — cikaviacca, ci chopić na žyćcio jeŭrapiejskaj piensii, i radujucca śmiešnym vydatkam9
Kamientary