Žury konkursnaj častki fiestyvalu «Bardaŭskaja vosień – 2014″ padviało vyniki vystupu kankursantaŭ, paviedamlaje Radyjo Racyja.
Fiestyval prajšoŭ u Bielsku-Padlašskim na Biełastoččynie (Polšča). Sioleta jon byŭ praviedzieny 21 raz.
Hran-pry fiestyvalu atrymaŭ Alaksandr Jasinski, čalec hurtu «Bosaje sonca». Pryz Biełaruskaha Radyjo Racyja ŭručany Siarhieju Bašłykieviču. A supolnaja ŭznaharoda burmistra horada Bielsk Padlašski i starasty Bielskaha pavieta dastałasia Źmitru Vinahradavu.
Fiestyval «Bardaŭskaja vosień» sioleta byŭ praviedzieny ŭ 21 raz. Na scenie fiestyvala, što tradycyjna pravodzicca na Biełastoččynie, za hady isnavańnia adznačylisia ci nie ŭsie značnyja asoby biełaruskaj bardaŭskaj pieśni i aŭtarskaj muzyki samych roznych kirunkaŭ: Aleś Kamocki, Darafiej Fijonik, Viktar Šałkievič, Kasia Kamockaja, Lavon Volski, Źmicier Vajciuškievič.
Adnoj z samych jaskravych padziejaŭ kožnaha festu možna nazvać konkursnuju prahramu dla maładych vykanaŭcaŭ. Za apošnija hady «Bardaŭskaja vosień» adkryła takija imiony, jak Palina Respublika, Jaŭhien Baryšnikaŭ, hurt BosaeSonca, dała šturšok dalejšamu raźvićciu hurtam Re1ikt, «Nielha zabyć», TonqiXod.
Kamientary