Hienierał Brydłaŭ: ZŠA musiać nakiravać bolš vojskaŭ u Jeŭropu
Amieryka pavinna bolš aktyŭna pravodzić ratacyju vojskaŭ u Jeŭropie ŭ suviazi z napružanaściu, vyklikanaj dziejańniami revanšysckaj Rasii, cytuje słovy kamandujučaha siłami NATA ŭ Jeŭropie hienierała Filipa Brydłava aficyjnaja hazieta Ministerstva abarony ZŠA Stars and Stripes.
«Z-za cisku, jaki my adčuvajem ciapier va Uschodniaj Jeŭropie, a taksama zachadaŭ pa padtrymańni davieru, jakija my robim u krainach Bałtyi, Polščy i Rumynii, nam patrebnaja prysutnaść dadatkovych vojskaŭ dla ratacyi», — skazaŭ kamandujučy vojskami ZŠA i NATA ŭ Starym Śviecie.
Brydłaŭ taksama zaznačyŭ, što jon razhladaje sposaby raźvićcia łahistyčnych umoŭ dla mahčymych vajskovych apieracyj va Uschodniaj Jeŭropie.
«Dadatkova ja abmiarkoŭvaju mahčymaść stvareńnia pieradavych baz ryštunku i prypasaŭ… kab my mahli bolš aktyŭna reahavać, kali heta ŭ budučyni spatrebicca», — dadaŭ hienierał.
ZŠA płanavali ŭ suviazi z małoj vierahodnaściu novych kanfliktaŭ u Jeŭropie rezka skaracić tut svaje bazy i vojski, ale ahresija Rasii suprać Ukrainy pryvodzić da pierahladu hetych płanaŭ.
U hetym hodzie ŭ Jeŭropu viarnulisia kaliści całkam vyviedzienyja ź jaje amierykanskija tankavyja častki.
Kamientary