Kolkaść chvorych u Voranaŭskim rajonie na trychinieloz hramadzian ŭzrasła da 16, jašče 10 čałaviek taksama ŭžyvali miasa i znachodziacca ŭ kantaktnaj hrupie ryzyki.
Pra heta BiełTA paviedamiła zahadčyca adździeła epidemijałohii Hrodzienskaha abłasnoha centra hihijeny, epidemijałohii i hramadskaha zdaroŭja Taćciana Jakusievič.
Siarod hramadzian, jakija zachvareli z 3 pa 10 listapada, — čatyry palaŭničyja, troje dziaciej va ŭzroście 10, 13 i 16 hadoŭ, a taksama ciažarnaja žančyna.
Usie jany — adzin adnamu svajaki i znajomyja, usie žychary Voranava, viosak Śviła i Kanvieliški.
Amal usie znachodziacca na lačeńni ŭ infiekcyjnym adździaleńni Voranaŭskaj centralnaj rajonnaj balnicy, ciažarnaja žančyna nakiravana na lačeńnie ŭ Hrodzienskuju abłasnuju infiekcyjnuju balnicu, joj nieabchodna asablivaje lačeńnie. Stan daktary aceńvajuć jak siaredniaj stupieni ciažkaści. Pa słovach Taćciany Jakusievič, jašče 10 čałaviek znachodziacca pad padazreńniem na infikavańnie — jany taksama ŭžyvali ŭ ježu zaražanaje miasa, ale pakul u ich kliničnych prykmiet zachvorvańnia nie vyjaŭlena. Hetaja hrupa asob atrymlivaje prafiłaktyčnaje lačeńnie, jakoje adnak nie zaŭsiody akazvajecca efiektyŭnym.
Epidemijołahi vyśviatlajuć pachodžańnie krynicy zaražeńnia. «Absalutna ŭsie pacyjenty admaŭlajuć fakt užyvańnia miasa dzika, sprabujučy paźbiehnuć adkaznaści. Adnak toj fakt, što siarod zachvarełych — čaćviora palaŭničych, dazvalaje vykazać zdahadku, što zaražeńnie adbyłosia mienavita takim šlacham. Da vyśviatleńnia abstavinaŭ uspyški trychinielozu padklučanyja pradstaŭniki vieterynarnaj słužby i milicyi», — patłumačyła Taćciana Jakusievič.
Chutčej za ŭsio, paśla lačeńnia žycharoŭ Voranaŭskaha rajona čakaje štraf za niesankcyjanavanaje palavańnie.
Ciapier čytajuć
Ryta Dakota ŭpieršyniu raspaviała, za što biełaruskija siłaviki schapili jaje maci ŭ 2022 hodzie7
Ryta Dakota ŭpieršyniu raspaviała, za što biełaruskija siłaviki schapili jaje maci ŭ 2022 hodzie
«Ź piaci varyjantaŭ try kvatery zdavalisia tolki hramadzianam Biełarusi». Rasijanie pierajechali ŭ Homiel paśla ataki USU na Bransk — što ich dzivić?3535
Kamientary