Hramadstva1414

Labiedźka: Siońniašnija padziei nijakaha dačynieńnia da abrańnia adzinaha kandydata ad usich demakratyčnych sił nie majuć

Lidar Abjadnanaj hramadzianskaj partyi (AHP) Anatol Labiedźka nie vyklučaje, što na prezidenckija vybary — 2015 demakratyčnyja siły Biełarusi pojduć «niekalkimi kałonami», bo pra «pa-sapraŭdnamu pra adzinaha kandydata na siońnia damovicca nie ŭdajecca».

Takoje mierkavańnie palityk vykazaŭ, kamientujučy BiełaPAN pahadnieńnie ab pracedury vyłučeńnia adzinaha kandydata, padpisanaje 17 listapada ŭ Minsku pradstaŭnikami piaci apazicyjnych struktur.

Pahadnieńnie zaklučyli Biełaruskaja sacyjał-demakratyčnaja partyja (Hramada), ruch «Za Svabodu», kampanija «Havary praŭdu», Partyja BNF i arhkamitet pa stvareńni partyi «Biełaruskaja chryścijanskaja demakratyja».

Jak adznačyŭ Labiedźka, u hetym vypadku možna kazać ab vyłučeńni adzinaha kandydata nie ad usich demakratyčnych sił, a pra vyłučeńnie kandydata ad kampanii «Narodny refierendum»,

u jakoj udzielničajuć čatyry struktury (vyklučajučy BCHD), jakija padpisali pahadnieńnie. Takim čynam, zajaviŭ lidar AHP, «siońnia niekalki struktur padpisali pahadnieńnie ab vyłučeńni kandydata ad «Narodnaha refierendumu».

«Ja publična zajaŭlaŭ, što apošnim časam idzie tarmažeńnie pracesu abrańnia adzinaha kandydata, źviazanaje z adsutnaściu fizičnych piersanalij ad «Narodnaha refierendumu», — dadaŭ Labiedźka.

— Mabyć, jany siońnia vyznačylisia z takoj kandydaturaj, što AHP i apazicyjny aljans «Tałaka» tolki vitaje. Ale heta nie maje nijakaha dačynieńnia da abrańnia adzinaha kandydata ad usich demakratyčnych sił».

Labiedźka nahadaŭ, što AHP jašče ŭ mai vyłučyła svajho pretendenta na pasadu adzinaha kandydata ŭ prezidenty. «Z hetaha momantu my znachodzimsia ŭ čakańni taho, što takija ž kroki zrobiać i inšyja struktury. Dva tydni tamu na pieramovach było zroblena apytańnie, padčas jakoha akazałasia, što jość tolki adna piersanalnaja kandydatura — lidar AHP. Usie astatnija skazali, što na siońnia u ich fizična kandydata niama, što jany abmiarkoŭvajuć jašče kandydatury», — skazaŭ staršynia partyi.

Pavodle jaho słoŭ, jak tolki «Narodny refierendum» vyznačycca sa svaim kandydatam, AHP hatovaja sieści za stoł pieramovaŭ i prapanoŭvać, jak z dvuch kandydataŭ abrać adnaho, ci chacia b damovicca ab adzinym scenary praviadzieńnia vybarčaj kampanii.

«Ničoha praryŭnaha, histaryčnaha, siońnia nie adbyłosia, heta šarahovaja padzieja.

Ale ja spadziajusia, što ŭsio ž budzie ruch pa abrańni pa-sapraŭdnamu adzinaha kandydata ŭ prezidenty ad usich demakratyčnych sił», — padkreśliŭ Anatol Labiedźka.

Kamientary14

 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

Na Dzień Voli i dzień inaŭhuracyi Łukašenki ŭ Biełarusi abmiažujuć internet8

Na Dzień Voli i dzień inaŭhuracyi Łukašenki ŭ Biełarusi abmiažujuć internet

Usie naviny →
Usie naviny

Šałupińnie ad čyrvonaj cybuli stała abaronnym słojem dla soniečnych batarej2

Biełarus žyŭcom zhareŭ u hruzaviku ŭ Maskvie

Na polskaj miažy na vyjezd ź Biełarusi staić bolš za 1000 aŭtamabilaŭ

Heta ciapier adna z topavych kuciurje ŭ śviecie. Jaje sukienki zavarožvajuć6

Julija Čarniaŭskaja: Inšy raz jany prosta takimi naradžajucca16

Kiraŭnik Mahiloŭščyny sabraŭsia budavać u siabie ŭ rehijonie toje, nazvy čaho jon nie viedaje16

Paśla vystupleńnia Łuhanskaha teatra ŭ Minsku adna z hladačak vyhuknuła «Słava Ukrainie!»10

USU ŭziali pad kantrol viosku ŭ Biełharodskaj vobłaści Rasii 9

U Adeskaj vobłaści žančyna pryniesła ŭ palicyju pakiet z vybuchoŭkaj. Učastak raźniesła

bolš čytanych navin
bolš łajkanych navin

Na Dzień Voli i dzień inaŭhuracyi Łukašenki ŭ Biełarusi abmiažujuć internet8

Na Dzień Voli i dzień inaŭhuracyi Łukašenki ŭ Biełarusi abmiažujuć internet

Hałoŭnaje
Usie naviny →

Zaŭvaha:

 

 

 

 

Zakryć Paviedamić