«Nie chaču być palitałkaholikam»: Pavieł Vinahradaŭ źjazdžaje ź Minska
Lidar «Źmieny» vyrašyŭ pierajechać da baćki ŭ Bierazino. Asnoŭnaja pryčyna — pahroza trapić u ŁTP.
Aktyvist apazicyi Pavieł Vinahradaŭ, viadomy častymi zatrymańniami i sutkami aryštu, vyrašyŭ źjechać ź Minska.
«Jość palitźniavolenyja, jość palitpryzyŭniki, a ja voś byŭ by pieršym palitałkaholikam», — raskazvaje Pavieł Vinahradaŭ u hutarcy ź Jeŭraradyjo.
Aktyvist užo maje try administracyjnyja aryšty za «stan ałkaholnaha apjanieńnia».
Ciapier jany abskardžvajucca, adnak u pazityŭny dla siabie vynik Vinahradaŭ nie vieryć. U vyniku pravaachoŭniki zmohuć atrymać mahčymaść adpravić jaho na miedycynskaje abśledavańnie ŭ ŁTP, a potym paśla pieršaha ž pratakoła «za pjanku» aktyvist uvohule moža stać klijentam hetaj miedycynska-papraŭčaj ustanovy.
«Libieralizacyi ŭ nas pad vybary 2015 hoda nie pradbačycca. Tamu ja dumaju, što lepš źjechać. U ŁTP ja nie chaču», — havoryć Vinahradaŭ, jaki praciahvaŭ žyć u stalicy, niahledziačy na zatrymańni i namioki ab tym, što jamu varta źjechać.
U Minsku Pavieł prabudzie jašče kala dvuch tydniaŭ. Čym zojmiecca ŭ Bierazino, pakul nie viedaje. Na dobry zarobak tam raźličvać nie prychodzicca.
«U mianie jość try chadavyja rabočyja śpiecyjalnaści — cyrulnik, ślesar i zvarščyk. Ale navat kali mnie mocna pašancuje, to ja ŭ Bierazino budu zarablać maksimum 300 dołaraŭ», — havoryć jon.
Žonka Paŭła Śviatłana pakul zastaniecca ŭ Minsku — trymaje praca. Ci vierniecca Vinahradaŭ u stalicu i kali, aktyvist nie viedaje.
«Jak što jakoje raptam adbudziecca važnaje, to ja hatovy. Ale pakul nie mahu skazać, kali dakładna zmahu viarnucca», — dadaje Vinahradaŭ.
Ciapier čytajuć
Biełaruś užo nie tolki pra palitviaźniaŭ. Z čym Śviatłana Cichanoŭskaja pajechała na adzin z hałoŭnych forumaŭ pa biaśpiecy ŭ ZŠA i što tam rabiŭ Siarhiej Cichanoŭski2121
Kamientary