Dziaržpahrankamitet pačaŭ ekśpierymient pa ŭstanaŭleńni elektronnaj čarhi dla hruzavikoŭ u «Kazłovičach»
Na sajcie DPK Biełarusi źjaviŭsia servis, jaki dazvalaje braniravać čarhu pierad pierasiačeńniem miažy.
Jak paviedamili BiełaPAN u Dziaržpahrankamitecie, z metaj vyprabavańnia arhanizacyjnych i techničnych rašeńniaŭ pa ŭkaranieńni ŭ aŭtadarožnych punktach propusku praź dziaržmiažu sistemy elektronnaj čarhi 1 śniežnia orhany pahraničnaj słužby Biełarusi sumiesna ź inšymi zacikaŭlenymi orhanami dziaržkiravańnia i arhanizacyjami pačali praviadzieńnie ekśpierymienta pa funkcyjanavańni sistemy elektronnaj čarhi ŭ aŭtadarožnym punkcie propusku «Kazłovičy» na biełaruska-polskaj miažy.
U chodzie ekśpierymienta, jaki budzie doŭžycca da 1 sakavika 2015 hoda, uładalniki (vadzicieli) hruzavych aŭtatranspartnych srodkaŭ zmohuć braniravać praź internet čas ujezdu hruzavoha transpartnaha srodku ŭ punkt propusku «Kazłovičy».
Transpartny srodak, dla jakoha ažyćcioŭlena elektronnaje braniravańnie, pa abaznačanaj pałasie ruchu (krajniaj levaj) pavinien prybyć u zabraniravany pramiežak času da punkta propusku.
Supracoŭnik orhanaŭ pahraničnaj słužby pry ŭjeździe ŭ punkt propusku «Kazłovičy» praviaraje najaŭnaść elektronnaha braniravańnia dla hetaha transpartnaha srodku. Pry najaŭnaści elektronnaha braniravańnia supracoŭnik orhanaŭ pahransłužby dazvalaje ŭjezd u punkt propusku ŭ zabraniravany dla hetaha transpartnaha srodku pramiežak času.
Transpartnyja srodki, dla jakich nie ažyćcioŭlena elektronnaje braniravańnie, ujazdžajuć u punkt propusku na ahulnych padstavach z dazvołu supracoŭnika orhanaŭ pahransłužby pa miery ich prybyćcia da punktu propusku.
Transpartny srodak, dla jakoha ažyćcioŭlena elektronnaje braniravańnie, prybyŭšy da punktu propusku paźniej zabraniravanaha pramiežku času, nakiroŭvajecca supracoŭnikam orhanaŭ pahraničnaj słužby ŭ čarhu transpartnych srodkaŭ, dla jakich nie ažyćcioŭlena elektronnaje braniravańnie.
U Dziaržpahrankamitecie asabliva źviarnuli ŭvahu na toje, što pasłuha braniravańnia na sajcie viedamstva dastupnaja tolki aŭtaryzavanym karystalnikam. Branirujecca intervał času ŭ adnu hadzinu. Transpartny srodak pavinien prybyć da ŭjezdu ŭ punkt propusku na praciahu zabraniravanaha intervału. Čas ujezdu ŭ punkt propusku možna braniravać za 90 sutak, ale nie paźniej jak za try hadziny da žadanaha času ŭjezdu. Na stvareńnie broni advodzicca 30 chvilin.
Kiravańnie pracaj sistemy elektronnaj čarhi ažyćciaŭlaje RUP «Biełmytniaservis» (apieratar sistemy elektronnaj čarhi).
Kamientary