Biełaruskija banki, hulajučy na apiaredžańnie, padnimajuć kursy abmienu zamiežnych valut. Nacbank uźniaŭ aficyjny kurs da 10 890 rubloŭ, adnak z hetaj ličbaj nasielnictva sutyknucca nie moža.
Biełaruskija banki hatovyja skuplać dalary pa 11 250 rubloŭ, taki kurs vystaviŭ «Bank Maskva-Minsk», jaki niadaŭna staŭ dziaržaŭnym, a taksama «Absalutbank».
A voś kurs prodažu dalara adarvaŭsia jašče bolš. Samy vyhadny kurs maje «Biełahraprambank» — 11 250 rubloŭ, niepadaloku i «Biełarusbank» (ad 11 280 rubloŭ). Adnak u mnohich adździaleńniach nabyć dalary pa takoj canie ŭžo niemahčyma, praz ažyjataž nasielnictva skuplaje valutu.
U pryvatnych bankach kursy jašče vyšejšyja, pryčym havorka viadziecca pra vialikija finansavyja ŭstanovy. Naprykład, «Biełhazprombank» pradaje dalary pa 11 560 rubloŭ, «BiełVEB» - pa 11 550 rubloŭ. Roźnica z aficyjnym kursam pieravyšaje 6%!
Situacyja ź jeŭra anałahičnaja. Aficyjny kurs upaŭ na 200 rubloŭ, ciapier jon składaje 13 390 rubloŭ. Adnak banki naadvarot pavialičyli kurs. Jeŭrapiejskaja valuta kaštuje ad 13 900 rubloŭ («Biełahraprambank») da 14 270 rubloŭ («BSB Bank»). Drobny «NIEB Bank» pradaje jeŭra za 14 350 rubloŭ, roźnica z aficyjnym kursam pieravysiła 7%.
Jak mučyli Cila Švajhiera i centry haradoŭ, kab stvaryć karcinku dla sudzimaha za machlarstva prateže Dźmitryja Baskava1
Kamientary